Sámediggi ohcá nuortalašgielat oahppamateriálaplánejeaddji

Bargu álggášii 1.11.2024 dahje soahpamuša mielde.

Sámedikki skuvlen- ja oahppamateriáladoaimmahagas leat vihtta oahppamateriálaplánejeaddji virggi. Oahppamateriálaplánejeaddjit barget ovttas oahppamateriálačálliin nu, ahte fuolahit ja koordinerejit oahppamateriálaprošeavttaid ollašuhttima. Oahppamateriálaplánejeaddji vástida oahppamateriálaid doaimmahanbargui laktáseaddji bargguin. Oahppamateriálaplánejeaddji doaimmat leat meroštallon Sámedikki bargoortnega 41 §:s.

Oahppamateriálaplánejeaddji barggus, mii lea ohcan láhkai, eaktuduvvojit erenomážit nuortalašgiela čálalaš ja njálmmálaš máhttin ja maiddái nuortalaš kultuvrra dovdan. Oahppamateriálaplánejeaddji doaibmabáiki lea Sámedikki skuvlen- ja oahppamateriáladoaimmahagas, Anáris Sámekulturguovddáš Sajosis.

Seađahusvuđot gelbbolašvuođagáibádussan lea virggi eaktudan skuvlejupmi ja lassin gáibiduvvo sámegiela máhttu (ásahus 1727/95). Virggi ceavzilis dikšuma veahkehit heivvolaš dutkkus, nuortalašgiela ja nuortalaš kultuvrra viiddes dovdan, pedagogalaš áššedovdamuš, prošeaktabargama máhttin ja buorit ovttasbargan- ja gulahallandáiddut. Mii vuordit válmmašvuođa iešráđálaš, vásttolaš bargamii ja buriid streassa gierdannávccaid.

Bálkkámáksin mearrašuvvá Sámedikki bálkávuogádaga gáibádusdási IV/IV mielde (vuođđobálká almmá lasiid haga 2810,27 euro/mb). Vuođđobálkká lassin máksojuvvojit ahkelasit, mat mearrašuvvet bargohárjánumi mielde, ja 24 % sámeguovllu lassi, go bargá sámiid ruovttuguovllus. Virggi deavdimis čuvvojuvvo guđa mánotbaji geahččalanáigi.

Friijahápmásaš ohcanreivve ja vejolaš ánsologahallama ja eará čuvvosiid galgá máhcahit Sámedikki čállingoddái 27.10.2024 rádjai dán ohcanskovi bokte (rahpasa ođđa ruvttui).

Lassedieđuid barggus addiba Sámedikki hálddahushoavda Pia Ruotsala-Kangasniemi, t. 0108393106 ja oahppamateriálačálli Petra Kuuva t. 010 839 3119.

Sámedikki doaimmaide sáhttá oahpásmuvvat neahttačujuhusas www.samediggi.fi.

Anáris 25.9.2024
Sámediggi