Tiervâpuáttim uápásmuđ Sämitige tooimân Anarân Sämmilij aalmugpeeivi 6.2. – Ohjelmist muusik, elleekoveh, njuárustem já savâstâllâm sämmilâš politijkkárijguin

Peeivi ohjelmfalâlduvâst västideh Sämitige muusikkuávdáš, párnáikulttuurkuávdáš Mánnu já elleekovekuávdáš Skábma oovtâst Skammâkoveh-elleekovefestivaalijn. Sämitige almos toimâttâh, škovlim- já oppâmateriaaltoimâttâh já sämikielâ toimâttâh oovdânpuáhtojeh Saijoosist. Sämitige uđđâ saavâjođetteijeeh láá pääihi alne savâstâlmin. Tilálâšvuotâ lii ávus puohháid, kiäh láá perustum.

Ohjelm Säämi kulttuurkuávdáš Saijoosist, Anarist 6.2.2024:

Tme 9.45–10.30 Sajos, Silba já Sisti
Vuálá škovlâahasij párnái ohjelm, anarâškielân Anna Morottaja, tavekielân Petra Biret Magga-Vars | Säämi párnáikulttuurkuávdáš Mánnu

Tme 10.30-15.00, Sajos, aula  
Tiervâpuáttim uápásmuđ Sämitige tooimân! Sämitige almos toimâttâh, škovlim- já oppâmateriaaltoimâttâh já sämikielâ toimâttâh oovdânpuáhtojeh.

Tme 10.45, Sajos, aula
Anarâš livđe: Anna Morottaja | Muusikkuávdáš

Tme 11.30–13.15, Sajos, auditorio Dolla
Elleekove:  Je’vida | Aanaar škovlâláid, iäráseh meid tiervâpuáttim

Tme 13.30, Sajos, aula
Anarâš livđe: Anna Morottaja | Muusikkuávdáš

Tme 14.00–15.00 Sajos, šiljo
Njuárustem nuoráid | Nuorâirääđi

Tme 14.00–15.30, Sajos, Solju. Tilálâšvuotâ strimejuvvoo.

Saavâjođetteijee Pirita Näkkäläjärvi saahâ

Visio: Säämi 2050, savâstâlmin Sämitige saavâjođetteijeeh, stiivrâ jesâneh já lävdikuudij saavâjođetteijeeh

Tme 18.00–19.40, Sajos, auditorio Dolla
Elleekove:  Eallogierdu / The Tundra Within Me, liipuh 5 € | Skammâkoveh-elleekovefestivaal, Elleekovekuávdáš Skábma

Säämi aalmugpeivi

Säämi aalmugpeivi ávuduvvoo jyehi ive kuovâmáánu 6. peeivi. Tot lii ohtâ sämmilij liputtempeeivijn, mut lasseen nuuvt Suomâ, Ruotâ ko Taažâ-uv virgeomâhááh avžuutteh almolâš liputtem.

Säämi aalmugpeivi lii vala nuorâ juhlepeivi. Sämmilij kalenderân tot merkkejui ive 2004. Aalmugpeeivist meridui kuittâg jo ive 1992, já ton madduuh oleh paijeel čyeđe ive tuáhá, ihán 1917. Talle Taažâ Truándimist tollui vuossâmuš tave-eennâmlâš sämičuákkim, mon uáivilin lâi suogârdâllâđ sämmilij eellimmáhđulâšvuođâid já väldiđ pele sämmilijd kyeskee koččâmâššáid. Kieđâvuššum aartâin tehálumoseh lijjii jotemân, enâmij kevttimân, puásuituálun já škovlâjotemân lohtâseijee koččâmušah.

Lasetiäđuh:

Gabriela Satokangas
Vs. viestâdemčällee
044 741 5592
gabriela.satokangas@samediggi.fi 

Liiŋkah:

Tiervâttâsah sämikielân

https://www.flickr.com/photos/samediggi-saamelaiskarajat/albums

• Sämitige Flickr-tilist tun kaavnah kuuvijd ei. Sämitige tooimâst, jesânijn já tábáhtusâin. Kuuvijd puáhtá kevttiđ tiäđusirdem palvâleijee tárguttâssáid šiev taavij mield. Merkkii kove käldee já kovvejeijee noomâ.