Uđđâ mohtâ tiervâsvuođâ luhâmân! Tiervâsvuođâ oppâmateriaaleh almostittum sämikielân

Eale dearvan / Ele tiervân lii paješkoovlâ tiervâsvuođâ oppâmateriaalráiđu. Tijmá almostui tavesämikielâlâš 7. luoka digitaallâš oppâmateriaal Eale dearvan 7. Tääl oppâmateriaalráiđu juátkoo, ko Sämitige škovlimtoimâttâh lii almostittâm tiervâsvuođâ 8. luoka oppâmateriaal digitaallii häämist sehe tavesämikielân ete anarâškielân.

Oppâkirje vuálgá joton jieštobdoost. Teevstâst suogârduvvoo maht jieštobdo, tobdoh, sosiaalliih tááiđuh já olmooškoskâvuođah vaigutteh pyereestvajemân. Kirjeest lii meiddei tiätu rávásmemavveest já seksuaalvuođâst. Tai lasseen torvolâšvuotân uápásmup torvotááiđui, vuosâišetááiđui, täpituurmij estim, sehe puálu- já jotolâhtorvolâšvuođâ ovdánem uáinuin.

Eale dearvan 8 já Ele tiervân 8 -oppâmateriaalij vuáđđun lii suomâkielâlâš tiervâsvuođâtiäđu oppâkirje Syke 8, mii lii jurgâlum já heiviittum sämikielân. Oppâkirje tavesämikielân lii jurgâlâm Sulo Aikio já anarâškielân Fabrizio Brecciaroli.

Lasetiäđuh

Unni Länsman
Oppâmateriaalvuávájeijee
unni.lansman@samediggi.fi

Miina Seurujärvi
Oppâmateriaalvuávájeijee
miina.seurujarvi@samediggi.fi

Marita Aikio
Oppâmateriaalvuávájeijee
marita.aikio@samediggi.fi