Ođđ äʹlšš tiõrvâsvuõtt-teâđ mättʼtõõttmõʹšše! Tiõrvâsvuõtt-teâđ mättmateriaal õlmstõttum sääʹmǩiõʹlle

Eale dearvan / Ele tiervân lij pââibužškooul tiõrvâsvuõtt-teâđ mättmateriaalräidd. Teimma õlmstõʹtteš tâʹvvsääʹmǩiõllsaž 7. klaass digitaalʼlaž materiaal Eale dearvan 7. Ååʹn räidd juätkkai, ko Sääʹmteeʹǧǧ škooultõskoontâr lij õlmstâttam tiõrvâsvuõtt-teâđ 8. klaass mättmateriaal digitaalʼlaž häämast nuʹtt tâʹvvsääʹmǩiõʹlle ko še aanarsääʹmǩiõʹlle.

Mättǩeʹrjj jåttai jiõččtååbdast. Teeʹkstest smiõttât, mäʹhtt jiõččtåbdd, tobddi, sosiaalʼla tääid da ooumažkõskkvuõđ vaikkte pueʹrrvââjjma. Ǩeeʹrjest lij teâtt še rävsmemââʹjjest da seksuaalʼlažvuõđâst. Lââʹssen tobdstõõđât staanvuõʹtte staantääidai, vuõssveäʹǩǩtääidai, pååʹmhi cõggmõõžž di puâll- da jååttlõkstaanvuõđ ooudummuž ǩiõččâmvueʹjjest.

Eale dearvan 8 da Ele tiervân 8 -mättmateriaali vuâđđan lij lääʹddǩiõllsaž tiõrvâsvuõtt-teâđ mättǩeʹrjj Syke 8, kååʹtt lij jåårǥlõttum da šiõttuum sääʹmǩiõʹlle. Mättǩeeʹrj tâʹvvsääʹmǩiõʹlle lij jåårǥlâttam Sulo Aikio da aanarsääʹmǩiõʹlle Fabrizio Brecciaroli.

Lââʹssteâđ

Unni Länsman
Mättmateriaalplaaneei
unni.lansman@samediggi.fi

Miina Seurujärvi
Mättmateriaalplaaneei
miina.seurujarvi@samediggi.fi

Marita Aikio
Mättmateriaalplaaneei
marita.aikio@samediggi.fi