Kulturlávdegoddi jugii jagi 2026 kulturdoarjagiid
Sámedikki kulturlávdegoddi jugii čoahkkimis 1/2026 stáhtadoarjaga, man Oahpahus- ja kulturministeriija lei mieđihan jahkái 2026 sámegielat kultuvrra ovddideapmái. Doarjja juhkkojuvvo sápmelaš dáidaga ja kultuvrra bargiide, sámeservviid doibmii ja Davviriikkaid sámeservviid doarjumii ja maiddái Ohcejoga Sámekirkostobuin fuolaheapmái.
Govva: Johanna Alatorvinen
Stáhta jagi 2026 bušeahtas lea mieđihuvvon 222 000 euro (ng. sámi kulturmearreruhta), geavahanláhkai sámi dáidaga ja kultuvrra ovddideapmái jagi 2026-2027. Mearreruhta lea čujuhuvvon njuolgga Sámedikki geavahussii. Sámedikki bargoortnega 4 §:a 8 čuoggás dárkkuhuvvon kulturlávdegoddi mearrida stáhtadoarjjavirgeoapmahažžan sámi kulturmearreruđa juohkimis.
Áigemeari rádjai Sámedikki doaimmahahkii bohte 82 ohcangelbbolaš ohcamuša, main 13 ohcamuša ledje Davviriikkaid sámeservviin. Doarjagat ohccojuvvojedje oktiibuot 449 749 euro ovddas.
Sámediggi bargá mearrádusaid njukčamánu áigge ja bidjá máksimii maŋimustá cuoŋománu 15 beaivve rádjai. Sámedikkis addon lága mielde (27.6.2025/414) Sámediggi mearrida lága 8 §:a vuođul sámiid oktasaš geavahussii dárkkuhuvvon ruđaid juohkimis nu, ahte dál eai šat dahkko soahpamušat veahkkeruđa oažžuiguin.
Lassidieđut:
Riitta Orti-Berg
Kulturčálli
040 840 0383 / 010 839 3103
riitta.orti-berg@samediggi.fi
