Mokta dearvvasvuođadieđu oahppamii! Eale dearvan 7 -oahppomateriála lea almmustahtton
Sámedikki skuvlen- ja oahppomateriáladoaimmahat lea almmustahttán davvisámegiel dearvvasvuođadieđu 7. luohká oahppomateriála digitála hámis. Eale dearvan lea nuoraidskuvlla d. badjeskuvlla dearvvasvuođadieđu oahppomateriálaráidu.
Eale dearvan 7 -oahppogirjjis geahčadit dearvvasvuođa máŋggaid beliid ja maiddái dearvvasvuođa ja buohcuvuođa vuhttoma árgaeallimis. Girjji máŋggabealat bargobihtáid bokte lohkki beassá suokkardit dearvvasvuođa mearkkašumi iežas eallimis. Materiála lea vel teastahámis ja dievasmahttojuvvo vel muhtin gráfalaš osiin. Sámegiel materiála vuođđun lea geavahuvvon Edita Syke 7 -oahppomateriála, mii lea jorgaluvvon ja heivehuvvon sámás.
Eale dearvan 7 -materiála lea jorgalan davvisámegillii Sulo Aikio ja doaimmahan Marita Aikio ja Sunná Länsman.
Digimateriála sáhttá diŋgot teastaveršuvdnan skuvllaide, ii leat vel neahttaegávppis oastin láhkai: digimateriaalit@samediggi.fi
