Ođđa ovdačielggadeapmi almmustuvvan: sámegiel sosiála- ja dearvvasvuođabálvalusaid kultuvrralaš váikkuhanvuohta

Servodatdiehtagiid doavttir Lydia Heikkilä (2025) lea čállán ovdačielggadeami, mii gieđahallá sosiála- ja dearvvasvuođabálvalusaid kultuvrralaš váikkuhanvuođa sámi geahččanguovllus. Ovdačielggadeami mielde bálvalusaid sihkkarastimii oaivvilduvvon stáhtadoarjja lea sámi bálvalusvuogádaga dehálaš oassi, ja dat doarju sámiid eamiálbmotrivttiid duohtandahkama.

Čielggadeami ulbmilin lea áddet eamiálbmogiid geahččanguovllus dehálaš kultuvrralaš váikkuhanvuođa iešvuođaid ja lasihit áddejumi bálvalusaid ordnema ja ollašuhttima sierragažaldagain, erenomážit bearráigeahču ja váikkuhusaid árvvoštallama vugiin.

Sámedikki mielde stáhtadoarjagiin buvttaduvvon bálvalusat deivet sámeservodaga ja -kultuvrra váibmosii, nugo bálvalusaide, mat čuvvot sápmelaš árvvuid ja vieruid. Dát bálvalusat nannejit sámiid rievtti iežas gielat ja kulturvuđot bálvalusaide eamiálbmotrivttiid oassin.

Ovdačielggadeapmi lea dahkkon Davvi-Suoma sosiálasuorggi máhttinguovddáža sámeovttadaga sierrabargun. Barggu fáttá válljen ja bargorávven lea dahkkon ovttasráđiid Sámedikki sosiála- ja dearvvasvuođalávdegottiin.

Ovdačielggadeapmi