Sámedikki válgalávdegoddi ohcá doaimmahatčálli

Doaimmahatčálli bargun lea válgalávdegotti vuolde fuolahit jagi 2027 sámediggeválggaid válmmaštallamii ja ollašuhttimii gullevaš bargguin, mat leat ee. boahtti ja olggosmanni poastta diariseren, válgaáššebáhpáriid postema válmmaštallan, áššebáhpáriid kopieren ja posten ja maid eará dábálaš doaimmahatbarggut ja válgalávdegotti čálli sierra mearridan barggut.

Bálvalangaskavuođa dieđut

Bargu álgá 7.1.2026 dahje soahpamuša mielde ja dat joatkašuvvá 31.12.2027 rádjai.

Virgegaskavuođa deavdimis čuovvut njealji mánotbaji geahččalanáiggi. Válgalávdegotti doaibmabáiki lea sámekulturguovddáš Sajosis, Anáris.

Ohccis vurdojuvvo

Seađusvuđot gelbbolašvuođagáibádussan lea skuvlejupmi, man doaibma eaktuda, ja sámegiela máhttu (ásahus 1727/95). Hárjánupmi válgalávdegotti barggus gehččojuvvo ánsun.

Bálká

Bálká mearrašuvvá Sámedikki bálkávuogádaga gáibádusdási VI ja II mielde (vuođđobálká 2192,12 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus, ja ahkelasit bargohárjánumi mielde.

Ohcan

Ohcamušskovi, ja friijahápmásaš eaktodáhtolaš ohcanreivve ja vejolaš ánsologahallama ja eará čuvvosiid galgá doaimmahit Sámedikki čállingoddái maŋimustá 22.12.2025 dán elektrovnnalaš ohcamušskovi bokte (rahpasa ođđa lássii): Ohcamušskovvi

Lassedieđuid barggus addiba válgalávdegotti čálli Maria Valkeapää tel. 040 530 9513, válgalávdegotti áššemeannudeaddjičálli Sinikka Mäkinen, tel. 044 705 7160.

Sámedikki doibmii sáhttá oahpásmuvvat neahttačujuhusas www.samediggi.fi

Anáris 8.12.2025
Sámediggi