Almmuheapmi Sámenuoraid dáiddadáhpáhussii álgá

Sámenuoraid dáiddadáhpáhusa 2025 njuolggadusat:

Juohke temás leat golbma ahkeluohká: 6-8-jahkásaččat, 9-12-jahkásaččat ja 13-20-jahkásaččat. Dáiddadáhpáhus lea rabas temáide oassálasti vuođđoskuvlla ja nuppi ceahki sámeoahpahusa mánáide ja nuoraide.

1) Sámenuoraid dáiddadáhpáhussii sáhttet searvat 6-20-jahkásaš mánát ja nuorat, geat leat vuođđoskuvlla ja nuppi ceahki sámeoahpahusas.

2) Dáiddadáhpáhusa gielat leat nuortalaš-, anáraš- ja davvisámegiella.

3) Dáiddadáhpáhusas leat guokte temá (oasit 4-5).

4) Teáhter

Teáhterčájálmasa šládja lea friddja ja dat sáhttá leat solo- dahje joavkočájálmas. Teáhterčájálmasa fáddá lea friddja.

Teáhterčájálmasa duogážis sáhttá geavahit duogášbátti. Duogášbáddi mii geavahuvvo sáhttá leat sámemusihkka dahje jietnamáilbmi. Duogášbáddin adnojuvvon jietnabáddi sáhttá leat du iežat dahje nuppi olbmo duodji.

Čájálmasas geavahuvvon duogášbáddi doaimmahuvvo dáhpáhusa ordnejeaddjái ovddalgihtii.

Čájálmasa guhkkodat sáhttá leat eanemustá 10 minuhta.

5) Birasdáidda

Birasdáidda ollašuhtto lundui  dahje huksejuvvon birrasii. Dat sáhttá leat duodji, proseassa dahje dáhpáhus. Duodji galgá váldit vuhtii birrasa ja hukset gulahallama geahčči ja báikki gaskkal. Fuomášumi sáhttá giddet maid birrasa nuppástusaide ja áiggi gollámii. Birasdáidagii lea mihtilmas dan almmolašvuohta sihke golmma dimenšuvdnavuohta ja báikki geavaheapmi. Biras sáhttá joatkit duoji. Birasdáidaga idea sáhttá vuođđuduvvat báikki eavttuide, sajádahkii, lundui, muitalusaide dahje mearkkašumiide. Birasdáidagat leat máŋgii gaskaboddosaččat dahje dakkárat mat jávket.

Birasdáidaga fáttá ja ollašuhttinvuogi sáhttá válljet friddja.

Makkár báikkis duodji lea? Mo duodji laktása birrasii?

Birasdáiddaduodji ovdanbuktojuvvo video bokte. Videogovain sáhttá govvidit duoji dahje dáhpáhusa sierra govvačiegain, ja hálidettiin sáhttá maiddái seammás sániiguin govvidit duoji duogáža dahje fáttá.

Videos sáhttet maid eará olbmot leat mielde go dušše oassálasti ieš.

Video govvejuvvo telefovnnain dahje dihtordulbosiin. Video sáhttá leat ceaggut dahje veallut. Videofiilaformáhtta lea .MP4 dahje .MOV. Eará videoformáhtat eai váldo mielde árvvoštallamii.

Video guhkkodat sáhttá leat eanemustá 5 minuhta.

6) Buot šlájain leat golbma ahkesuorggi:

6–8-jahkásaččat

9–12-jahkásaččat

13–20-jahkásaččat

7) Vuollel 13-jahkásaččat sáhttet searvat, jos dievas agat olmmoš stivre sin.