Boađe mielde sámegielat oahppamateriálabargui!
Sámediggi ohcá anáraš-, nuortalaš- ja davvisámegielat oahppamateriálaid buvttadeapmái ráhkadeaddjiid iešguđetlágan doaimmaide.
Sámediggi buvttada juohke jagi oahpahus- ja kulturministeriijas ožžojuvvon mearreruđain sámegielat ja sámegielaid oahpahussii oaivvilduvvon oahppamateriála. Oahppamateriálabarggus vástida Sámedikki skuvlen- ja oahppamateriáladoaimmahat. Materiála buvttadeapmái dárbbašuvvojit sámegielat ráhkadeaddjit (freelancer), geat sáhttet bargat oasi dahje bargoollisvuođa materiálas gárvvisin.
Mii dárbbašat ráhkadeaddjiid ee.
- suomagielat oahppamateriála jorgaleapmái sámegielaide,
- sámegielat oahppamateriála gielladikšumii ja dárkkisteapmái,
- oahppamateriálaid bardinbargguide (gráfalaš plánen),
- oahppamateriálaid govuheapmái,
- digitála oahppamateriálaid bargamii.
Ráhkadeaddjiiguin dahkko soahpamuš barggus, mii čađahuvvo. Buhtadus dahkkojuvvon barggus mearrašuvvá Sámedikki oahppamateriálabarggu táksatabealla mielde ja buhtadusa sáhttá juogo bearrat (fitnodatdovddaldat) dahje dat sáhttá máksojuvvot boahtun, mas lea gessojuvvon ovdavearru.
Oahppamateriálaprošeavttaid barggut heivejit ovdamearkka dihte stuđeanttaide dahje siidodoaibman eará sajis bargi olbmuide.
Ohcamuša oahppamateriálabarggu ráhkadeaddjin galgá doaimmahit dán skovi bokte.
Mii váldit ohcciide oktavuođa njuolga dađi mielde go heivvolaš bargu livččii dieđus. Ohcanskovvi lea rabas 15.4.2026 rádjai.
Lassedieđuid addiba vs. oahppamateriálačálli Katja Semenoff, katja.semenoff(at)samediggi.fi ja skuvlenčálli Bigga-Helena Magga, bigga-helena.magga(a)samediggi.fi.
Sámedikki doibmii sáhttá oahpásmuvvat čujuhusas www.samediggi.fi ja oahppamateriálaid neahttagávpái čujuhusas www.samediggi.fi/oppimateriaalikauppa/
Anáris 12.3.2026
Sámediggi
