Sámediggi almmustahtii ǨIÕČČ 4 nuortalašgiela čavčča bargogirjji
Skuvlen- ja oahppamateriáladoaimmahat lea almmustahttán ođđa ǨIÕČČ 4 nuortalašgiela bargogirjji čakčii. ǨIÕČČ 4 Čõhččpââʹj tuejjǩeʹrjj lea oaivvilduvvon vuođđoskuvlla njealját luohká vierisgiela oahpahussii. Bargogirji sisttisdoallá hárjehusaid oahppogirjji čavččaoasi oahpahallanosiid hárjehallamii. Čavčča bargogirji lea jorgaluvvon ja heivehuvvon nuortalašgillii davvisámegiela GEA 4 bargogirji čakčii vuođul.
Girjji giehtačállosa lea čállán Oona Länsman ja govaid sárgon Nora Bäck. Nuortalašgillii girjji lea jorgalan ja nuortalaškultuvrii heivehan Raija Lehtola.
Girjjiid sáhttá diŋgot Sámedikki fierbmegávppis:
