Sámediggi ohcá áššehasbálvaleaddji Sámekulturguovddáš Sajosii

Sajosa áššehasbálvaleaddji bargguide gullet ee. áššehasbálvaleapmi, Sajosa vuostáiváldima ja infobáikki dikšun, Sámekulturguovddáža oahpistantuvrrat, čoahkkimiid ja dáhpáhusaid ordnemiidda gullevaš doaimmat ja maid dárbbu mielde restoráŋŋas veahkeheapmi ja lanjaid buhtisindoallan. Áššehasbálvaleaddji bargá Sámekulturguovddáš Sajosa bálvalanovttadaga bargin. Bargoáiggit leat váldoáššis Sámekulturguovddáš Sajosa rabasáiggiid áigge, árggaid dii. 9–17, muhtumin maiddái eahkes ja vahkkoloahpaid áigge Sajosis ordnejuvvon dáhpáhusaid dihte.

Bálvalangaskavuođa dieđut

Mearreáigásaš bargu álggášii ođđajagimánu 2026 áigge soahpamuša mielde ja bisttášii gitta 31.12.2026 rádjai.

Barggu deavdimis čuvvojuvvo njealji mánotbaji geahččalanáigi.

Bargu lea Sámekulturguovddáš Sajosis, Anáris. Barggu ii sáhte bargat gáiddusin.

Ohccis vurdojuvvo

Seađusvuđot gelbbolašvuođagáibádussan lea skuvlejupmi, man bargu eaktuda, ja sámegiela máhttu (ásahus 1727/95). Barggu ceavzilis dikšuma veahkeha bargohárjánupmi áššehasbálvalanbargguin, buorre sámekultuvrra dovdámuš, buorre eaŋgalasgiela máhttu, iešráđálašvuohta, njuovžilvuohta ja buorit vuorrováikkuhusdáiddut.

Bálká

Bálká mearrašuvvá Sámedikki bálkávuogádaga gáibádusdási VI/III mielde (vuođđobálká 2127,68 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus, ja ahkelasit bargohárjánumi mielde.

Ohcan

Ohcamušskovi, ja friijahápmásaš eaktodáhtolaš ohcanreivve ja vejolaš ánsologahallama ja eará čuvvosiid galgá doaimmahit Sámedikki čállingoddái maŋimustá 8.1.2026 dán elektrovnnalaš ohcamušskovi bokte (rahpasa ođđa lássii): Ohcamušskovvi

Lassedieđuid doaimmas addá márkanastinhoavda Oula Guttorm, oula.guttorm@samediggi.fi.

Sámedikki doibmii sáhttá oahpásmuvvat neahttačujuhusas www.samediggi.fi ja Sámekulturguovddáš Sajosa doibmii čujuhusas www.sajos.fi

Anáris 22.12.2025
Sámediggi