Sámediggi ohcá hálddahusčálli virgesadjásačča
Sadjásašvuohta álggášii soahpamuša mielde nu jođánit go vejolaš ja bistá álggos geassemánu loahpa rádjai.
Hálddahusčálli barggut leat meroštallon Sámedikki bargoortnega 28 §:s.
Hálddahusčálli bargun lea ee. dikšut almmolaš doaimmahaga dábálaš doaimmahat- ja hálddahusbargguid, sihke čállingotti telefonguovddáža ja poastta, mii boahtá. Bargu bargojuvvo eanaš Sámekulturguovddáš Sajosis, Anáris. Barggu lea vejolaš bargat muhtin oassái gáiddusin.
Seađusvuđot gelbbolašvuođagáibádussan lea barggu eaktudan skuvlejupmi ja dan lassin gáibiduvvo sámegiela dáidu (sámedikkis addojuvvon ásahus 1727/1995). Barggu ceavzilis dikšuma veahkehit máŋggabealat vásáhus doaimmahatbargguin ja hálddahusbargguid dovddiidus. Mii atnit árvvus iešráđálaš ja fuolalaš bargandáiddu ja maiddái buori ovttasbargan- ja gulahallančehppodaga.
Bálká mearrašuvvá Sámedikki bálkávuogádaga gáibádusdási VI/I mielde (vuođđobálká almmá lasiid 2203,65 euro/mb). Vuođđobálkká lassin máksojuvvojit ahkelasit, mat mearrašuvvet bargohárjánumi mielde, sihke 24 % sámeguovllu lassi.
Ohcamušskovi, friijahápmásaš ohcamuša sihke vejolaš ánsologahallama ja eará čuvvosiid ja duođaštusaid galgá doaimmahit Sámedikki čállingoddái 15.4.2025 rádjai dán ohcamušskovi bokte (rahpasa ođđa ruvttui).
Lassidieđuid addá hálddahushoavda Pia Ruotsala-Kangasniemi tel. 010 839 3106.
Sámedikki doibmii sáhttá oahpásmit neahttačujuhusas www.samediggi.fi.
Anáris 1.4.2025
Sámediggi
