Sámediggi ohcá mearreáigásaš plánejeaddji almmolašhálddahussii
Sámediggi almmuha ohcan láhkai mearreáigásaš plánejeaddji doaimma.
Plánejeaddji bargguide gullá almmolašhálddahusa veahkkebarggut ee. Sámedikki bagadusaid, njuolggadusaid ja rávvagiid beaividan- ja plánenbarggut ja dan sihkkarastin, ahte dat leat áigeguovdilat ja válmmaštallamis veahkeheapmi. Barggu bagadallin ja lagashoavdan doaibmá Sámedikki hálddahushoavda.
Bálvalangaskavuođa dieđut
Bargu álgá soahpamuša mielde nu jođánit go vejolaš. Mearreáigásaš bálvalangaskavuođa guhkkodat lea gávcci mánotbaji. Vejolaš joatkašuvvamis sohppojuvvo sierra. Virgegaskavuođa deavdimis čuovvut golmma mánotbaji geahččalanáiggi.
Plánejeaddji doaibma gullá Sámedikki almmolaš doaimmahahkii. Bargosadji lea Anáris, Sámekulturguovddáš Sajosis. Barggu sáhttá bargat oassái gáiddusin.
Ohccis vurdojuvvo
Gelbbolašvuođagáibádussan lea heivvolaš skuvlejupmi, man doaibma eaktuda, ja sámegiela máhttu (ásahus 1727/95). Barggu ceavzilis dikšuma veahkehit hálddahusbargguid viiddes dovdámuš, sámekultuvrra buorre dovdámuš, nákca iehčanas, vásttolaš bargamii ja buorre čálalaš gulahallandáidu. Mii atnit árvvu buriid ovttasbargan- ja gulahallandáidduid.
Bálká
Plánejeaddji bálká mearrašuvvá Sámedikki bálkávuogádaga gáibádusdási IV/III mielde (vuođđobálká 2931,34 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus, ja ahkelasit bargohárjánumi mielde.
Ohcan
Ohcamušskovi, friijahápmásaš eaktodáhtolaš ohcanreivve ja vejolaš ánsologahallama ja eará čuvvosiid galgá doaimmahit Sámedikki čállingoddái maŋimustá 6.3.2026 dán elektrovnnalaš ohcamušskovi bokte: Ohcamušskovvi
Lassedieđuid barggus addá Sámedikki hálddahushoavda Pia Ruotsala-Kangasniemi t. 010 839 3106. Sámedikki doibmii sáhttá oahpásmuvvat neahttačujuhusas www.samediggi.fi
Anáris 19.2.2026
Sámediggi
