Sámediggi ohcá oahppamateriálačálli
Sámediggi almmuha ohcan láhkai oahppamateriálačálli fásta virggi.
Oahppamateriálačálli barggut leat meroštallon Sámedikki bargoortnega 40 §:s. Oahppamateriálačálli ee. válmmaštallá sámegielat oahppamateriála buvttadeami guoski áššiid, hálddaša oahppamateriálamearreruđa geavaheami, doaibmá áššemeannudeaddjin oahppamateriálaáššiin sierra doaibmaorgánain, čuovvu oahppamateriálasuorggis dáhpáhuvvi ovdáneami, oahppoplána ja gullá materiála válmmaštallamis oahpaheaddjiid.
Oahppamateriálaprošeavttaide guoski bargguin oahppamateriálačálli doaibmá nana ovttasbarggus oahppamateriálaplánejeaddjiiguin.
Bálvalangaskavuođa dieđut
Bargu álgá soahpamuša mielde nu johtilit go vejolaš ja dat lea doaisttážii fámus.
Virggi deavdimis čuvvojuvvo guđa mánotbaji geahččalanáigi.
Oahppamateriáladoaimmahaga doaibmabáiki lea Sámekulturguovddáš Sajosis, Anáris, muhto barggu lea vejolaš bargat oassái gáiddusin.
Ohccis vurdojuvvo
Seađusvuđot gelbbolašvuođagáibádussan lea skuvlejupmi, man doaibma eaktuda, ja dasa lassin gáibádussan lea sámegiela máhttu (ásahus 1727/95). Virggi ceavzilis dikšuma eaktun leat heivvolaš allaskuvladutkkus, buorre dovdámuš oahpahus- ja oahppamateriálaáššiin ja hálddahuslaš áššiin, stáhtadoarjagiid hálddašeami nana máhttu, nákca hálddašit ollisvuođaid plánemis operatiivvalaš ollašuhttimii, buorit ovttasbargo- ja organiserendáiddut ja čielga čálalaš gulahallandáidu.
Bálká
Bálká mearrašuvvá Sámedikki bálkávuogádaga gáibádusdási IV/II mielde (vuođđobálká ollesbargoáiggis 2998,97 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus ja ahkelasit, mat mearrašuvvet bargohárjánumi mielde.
Ohcan
Ohcamušskovi, ja friijahápmásaš eaktodáhtolaš ohcanreivve ja vejolaš ánsologahallama ja eará čuvvosiid galgá doaimmahit Sámedikki čállingoddái maŋimustá 23.11.2025 dán elektrovnnalaš ohcamušskovi bokte (rahpasa ođđa ruvttui): Ohcamušskovvi
Lassedieđuid doaimmas addá hálddahushoavda Pia Ruotsala-Kangasniemi, pia.ruotsala@samediggi.fi, tel. 040 726 2688
Sámedikki doibmii sáhttá oahpásmuvvat neahttačujuhusas www.samediggi.fi
Anáris 23.10.2025
Sámediggi
