Sámediggi ohcá prošeaktabargi Ijahis idja -festiválii
Mearreáigásaš prošeaktabargi vástida Ijahis idja – eamiálbmogiid musihkkafestivála veahkkebuvttadeaddji bargguin. Bargu álgá 2.6.2025 ja bistá 22.8.2025 rádjai. Ijahis idja -festivála ordnejuvvo 15.-16.8.2025 Anáris, Sajosis.
Gelbbolašvuođagáibádussan lea barggu eaktudan heivvolaš skuvlejupmi ja sámegiela máhttu (ásahus 1727/95). Barggu ceavzilis dikšuma veahkeha vásáhus dáhpáhusaid ordnemis, buorit ovttasbargan- ja gulahallandáiddut ja dáidu iešráđálaš ja fuolalaš bargamii. Ovdun gehččojuvvo buorre eaŋgalasgiela dáidu.
Prošeaktabargi bálkkámáksin mearrašuvvá Sámedikki bálkávuogádaga gáibádusdási V/II mielde (vuođđobálká 2432,19 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus ja vásáhuslasit, mat mearrašuvvet bargohárjánumi mielde. Prošeaktabargi doaibmasadji lea sámekulturguovddáš Sajosis, Anáris.
Friijahápmásaš ohcanreivve ja vejolaš ánsologahallama ja eará čuvvosiid galgá máhcahit Sámedikki čállingoddái 30.4. rádjai dán ohcamušskovi bokte (rahpasa ođđa ruvttui): Ohcamušskovvi
Lassedieđuid barggus addá sámemusihkkaguovddáža plánejeaddji Oula Guttorm t. 040 667 4545, oula.guttorm(at)samediggi.fi
Sámedikki doaimmaide sáhttá oahpásmit neahttačujuhusas www.samediggi.fi ja Ijahis idja – eamiálbmogiid musihkkadáhpáhussii čujuhusas: www.ijahisidja.fi
Anáris 11.4.2025
Sámediggi
