Sámekulturguovddáš Sajosa márkanastinhoavdan lea álggahan Oula Guttorm

10-jahkásaš karrieara sámemusihkkaguovddáža plánejeaddjin bargan Oula Guttorm lea sirdásan čakčamánu loahpa geahčen ođđa hástalusaide, go son joatká bargokarriearas Sámedikkis, Sámekulturguovddáš Sajosa márkanastinhoavdan. Guttorm lea jođihan máŋga jagi ovtta stuorámus Sámekulturguovddáš Sajosis ordnejuvvon dáhpáhusa, Ijahis Idja- eamiálbmogiid musihkkafestivála. Ođđa hástalusaid ja Sámekulturguovddáš Sajosa ovddideami son vuordá oadjebasat.

–Sajos lea áidnalunddot kongreassa- ja dáhpáhusdállu, gos modeardna ja nuppástuhttimii heivvolaš lanjaid ja alladását teknihka ánssus lihkostuvvet máŋggalágan dilálašvuođat. Buvttán mielddán guhkes áiggi hárjánumi dáhpáhussuorggis ja viiddes fierpmádagaid suorggis doaibmi olbmuide. Jáhkán, ahte aktiivvalaš ja dárkilit plánejuvvon bargguin mii sáhttit atnit ávkin Sajosa olles potentiála Davvi-Lappi stuorámus konfereansaguovddážin. Vuorddán movttegit, ahte beasan ovddidit Sajosa doaimma ovttasráđiid bargiiguin ja Sámedikki stivrrain, dadjá Guttorm.

Sámediggi almmuhii márkanastinhoavdda doaimma ohcan láhkai suoidnemánus 2025. Márkanastinhoavdda virgái bohte mearreáigái gávcci ohcamuša. Sámedikki stivra jearahalai guhtta ohcci ja dagai mearrádusa válljejumis čoahkkimis 12.9.2025.

Jearahallamiid maŋŋá Sámedikki stivra válljii ovttamielalaččat márkanastinhoavdda virgái Oula Guttorma. Guttorm lea álggahan doaimmastis čakčamánus 2025. Márkanastihoavdda bargguide gullet fuolahit Sámekulturguovddáš Sajosa čoahkkinlanjaid ja bálvalusaid márkanastimis ja vuovdimis, dáhpáhusaid buvttadeapmái ja lágideapmái gullevaš geavada áššiin bálvalanovttadaga eará bargiiguin ja vástidit bálvalanovttadaga ruhtadoalus. Márkanastinhoavda doaibmá Sajosa bálvalanovttadaga bargojoavkkus ja olles bálvalanovttadaga lagašhoavdan.

Lassedieđut:

Oula Guttorm
Márkanastinhoavda
Tel. 040 575 5332
oula.guttorm@samediggi.fi

Pia Ruotsala-Kangasniemi
Hálddahushoavda
040 726 2688
pia.ruotsala@samediggi.fi