Ođđa nuortalašgielat digimateriála lea almmustuvvan
Skuvlen- ja oahppomateriáladoaimmahat lea almmustahttán ođđa nuortalašgielat jietnamateriála. Kuvddâl sääʹmǩiõl! lea hállangiela báddemiid čoakkáldat ja dárkkuhuvvon buohkaide, geat oahpahallet nuortalašgiela. Máidnasiin leat sierralágan temát dego máidnasat mánnávuođas, sierra lágan ámmáhat ja áigeájánasat, bearašeallin dahje árgabeaieallin.
Ulbmilin lea doarjut nuortalašgiela vuođđogurssa oahppi hállangiela áddema ja jietnadeami. Juohke siiddus lea báddi sihke ipmirdanhárjehusat ja daid vástádusat. Báttit leat juhkkojuvvon dásiid mielde, dásit leat 1–5. Oahppi sáhttá dahkat hárjehusaid okto, fárrolagaid oahpaheaddjin dahje vánhemiiguin.
Muitaleaddjit leat Merja Fofonoff, Ville-Riiko Fofonoff, Raija Lehtola, Erkki Lumisalmi, Eeva Nykänen, Tauno Porsanger ja Tiina Sanila-Aikio.
Esther Berelowitsch lea bádden jienaid, čállán hárjehusaid ja váldán govaid. Materiála leaba čohkken digitála birrasii Unni Länsman ja Esther Berelowitsch.
Kuvddâl sääʹmǩiõl! -čoakkáldat dievasmuvvá ain.
Digibuktaga sáhttá diŋgot Sámedikki fierpmegávppis: Kuvddâl sääʹmǩiõl! digigirji
Lassedieđut:
Esther Berelowitsch
Vs Oahppomateriálaplánejeaddji
044 746 7280
esther.berelowitsch@samediggi.fi
