Oza mielde nuoraidráđđái doaibmabadjái 2026-2027!
Leatgo beroštuvvan váikkuhit sámenuoraid áššiide? Sámedikki nuoraidráđi ođđa doaibmabadji álgá jagi 2026 álggus ja loahppa jagi áigge ohcat mii ođđa movttáskan nuoraid mielde čuovvovaš guovttejagášbadjái.
Oza mielde jus leat:
- Doaimmalaš sámenuorra ja háliidat ovdánahttit sámenuoraid áššiid
- Fástalahttun, jus leat nuoraidráđi ásahanáigge 18-28-jahkásaš
- Áššedovdilahttun, jus leat ásahanáigge 15-17-jahkásaš
Sáhtát maiddái evttohit nuppi olbmo nuoraidráđđái su miehtamiin. Nuoraidráđđi evttoha lahtuid čuovvovaš doaibmabadjái, man maŋŋá Sámedikki dievasčoahkkin nanne mearrádusa.
Boađe mielde váikkuhit áššiide!
Nuoraidráđis leat čieža fásta lahtu ja sis juohkehaččas várrelahtut. Dan lassin nuoraidráđđi sáhttá nammadit eanemustá vihtta áššedovdilahtu. Doaibmabadji lea guokte jagi.
Lahttut eai dárbbaš leat Sámedikki lahtut, eaige dárbbaš orrut Sámis. Válljejumiin váldo vuhtii ahte lahtut ovddastit nu viidát go vejolaš olles sámeguovllu ja maiddái iešguđet giellajoavkkuid. Válljemis čuovvut maiddái sohkabeliid dásseárvvu.
Ná ozat mielde
Sáhtát ohcat nuoraidráđđái maŋimustá 20.11.2025 :
- Deavdil ohcanskovi
- sáddes ohcanreivve elektrovnnalaččat: info(at)samediggi.fi dahje poastta fáro:
Nuorisoneuvosto, jäsenhaku
Saamelaiskulttuurikeskus Sajos
FIN-99870 Inari
Lassedieđut
Saana Aikio
vs. nuoraidčálli
044 494 6200
saana.aikio@samediggi.fi
