Sámediggi ohcá birasčálli

Sámedikki birasčálli barggut leat almmuhuvvon Sámedikki bargoortnegis čuoggás 26 b §. Birasčálli vástida ee. iežas doaibmasuorggi sámiid ruovttuguovllu birrasa ja eanangeavaheami guoski ja váikkuhusaid dáfus dohko olli áššiid válmmaštallamis, sámiid guoski riikkaidgaskasaš soahpamušaid čađaheami válmmaštallamis ja lea ealáhus- ja vuoigatvuohtalávdegotti áššemeannudeaddji.

Bálvalangaskavuođa dieđut

Fásta bargu álgá maŋimustá 1.9.2026 dahje nu mo sohppojuvvo.

Virggi deavdimis čuvvojuvvo guđa mánotbaji geahččalanáigi.

Birasčálli bargá Sámedikki almmolaš doaimmahagas. Sámedikki doaibmabáiki lea Sámekulturguovddáš Sajosis, Anáris. Barggu lea vejolaš bargat muhtin muddui maiddái gáiddusin.

Ohccis vuordit

Seađusvuđot gelbbolašvuođagáibádussan lea barggu eaktudan skuvlejupmi ja lassin gáibiduvvo sámegiela máhttu (ásahus 1727/95). Barggu ceavzilis dikšun eaktuda ahte ohcci dovdá bures sámekultuvrra, sámi árbedieđu ja birasáššiid, sus gávdno bargovásáhus hálddahusbargguin ja maiddái buorit ráđđádallan -ja ovttasbargodáiddut. Mii vuordit maiddái njuovžilis čállindáiddu, válmmašvuođa iehčanas bargamii, buriid organiserendáidduid ja streassagierdannávccaid.  Heivvolaš allaskuvladutkkus veahkeha dikšut barggu ceavzilit.

Bálká

Bálká mearrašuvvá Sámedikki bálkávuogádaga gáibádusdási IV/II mielde (vuođđobálká 2998,97 euro/mb). Vuođđobálkká lassin máksojuvvojit ahkelasit bargohárjánumi mielde ja 24 % sámeguovllu lassi, go bargá sámiid ruovttuguovllus.

Ohcan

Ohcamušskovi ja friijahápmásaš eaktodáhtolaš ohcanreivve ja vejolaš ánsologahallama ja eará čuvvosiid galgá doaimmahit Sámedikki čállingoddái maŋimustá 30.4.2026 dán elektrovnnalaš ohcamušskovi bokte (rahpasa ođđa ruvttui): Ohcamušskovvi

Lassedieđuid barggus addá Sámedikki hálddahushoavda Pia Ruotsala-Kangasniemi, t. 010 833 106.

Sámedikki doaimmaide sáhttá oahpásmuvvat neahttačujuhusas www.samediggi.fi.

Anáris 1.4.2026
Sámediggi