Sámediggi ohcá koordináhtora Sámegielaid gáiddusoahpahus -prošektii
Sámediggi almmuha ohcan láhkai Sámegiela gáiddusoahpahusprošeavtta koordináhtora mearreáigásaš doaimma.
Sámedikki ja Ohcejoga gieldda oktasaš prošeakta lágida vuođđooahpahusa, mii atná ávkin gáiddusoktavuođaid, ja maiddái sámegielaid (anáraš-, nuortalaš- ja davvisámegiella) oahpahusa, mii dievasmahttá logahatoahpahusa, sámiid ruovttuguovllu olggobealat skuvllaide. Prošeavtta ruhtada oahpahus- ja kulturministeriija.
Prošeaktakoordináhtor vástida oktavuođain skuvllaide, skuvlema lágideaddjiide ja oahppiid fuolaheaddjiide, guđet leat sierra guovlluin Suomas, čohkke sámegielaid oahpahusjoavkkuid ja doaibmá lagaš ovttasbarggus Ohcejoga gielddas bargi prošeaktahoavddain ja maiddái prošeavtta eará bargiiguin. Koordináhtora bargguide gullet maiddái diehtojuohkin- ja áššemeannudanbarggut.
Bálvalangaskavuođa dieđut
Mearreáigásaš doaibma álgá 1.8.2026 ja bistá 31.7.2027 rádjai. Doaimmas lea vejolaš álggahit soahpamuša mielde juo árabut.
Barggu deavdimis čuvvojuvvo njealji mánotbaji geahččalanáigi.
Koordináhtora bargu gullá Sámedikki skuvlen- ja oahppamateriáladoaimmahahkii, man doaibmabáiki lea Sámekulturguovddáš Sajosis. Barggu sáhttá bargat gáiddusin.
Ohccis vurdojuvvo
Seađusvuđot gelbbolašvuođagáibádussan lea skuvlejupmi, man bargu eaktuda, ja sámegiela máhttu (ásahus 1727/95). Barggu ceavzilis dikšuma veahkeha sámeservoša ja oahpahusáššiid dovdamuš, nákca iehčanas ja fuolalaš bargui ja buorit gulahallandáiddut.
Bálká
Bálká mearrašuvvá Sámedikki bálkávuogádaga gáibádusdási IV/IV mielde (vuođđobálká 2877,73 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus, ja ahkelasit bargohárjánumi mielde.
Ohcan
Ohcamušskovi, ja friijahápmásaš eaktodáhtolaš ohcanreivve ja vejolaš ánsologahallama ja eará čuvvosiid galgá doaimmahit Sámedikki čállingoddái maŋimustá 19.4.2026 dán elektrovnnalaš ohcamušskovi bokte (rahpasa ođđa lássii): Ohcamušskovvi
Lassedieđuid addá skuvlenčálli Bigga-Helena Magga, bigga-helena.magga(at)samediggi.fi, tel. +358108393121.
Sámedikki doibmii sáhttá oahpásmuvvat čujuhusas www.samediggi.fi
Sámegielaid gáiddusoahpahusprošeavtta doibmii sáhttá oahpásmuvvat čujuhusas https://www.saamenetaopetus.com/
Anáris 24.3.2026
Sámediggi
