Sámediggi ohcá mearreáigásaš oahppamateriála prošeaktabargiid
Sámediggi almmuha ohcan láhkai guokte mearreáigásaš oahppamateriála prošeaktabargi doaimma.
Nuppi prošeaktabargi barggut laktásit sámegielat áppesa buvttadeapmái vuođđooahpahusa álgooahpahussii. Nuppi prošeaktabargi barggut laktásit badjeskuvlla sámegielat historjjá girjji sámeosiid buvttadeapmái.
Prošeaktabargit doibmet nana ovttasbarggus oahppamateriálaplánejeaddjiiguin.
Bálvalangaskavuođa dieđut
Mearreáigásaš doaimmat álggáše soahpamuša mielde jagi 2026 áigge. Bálvalangaskavuođa guhkkodahkii váikkuha bargoáigeproseanta. Ollesáigásaš bargoáiggiin historjjá materiála prošeaktabargi bálvalangaskavuohta bistá guokte mánotbaji ja sámegielat áppesa prošeaktabargi doaibma bistá njeallje mánotbaji. Vejolaš joatkašuvvamis ráđđádallo sierra.
Oahppamateriáladoaimmahaga doaibmabáiki lea Sámekulturguovddáš Sajosis, Anáris, muhto barggu lea vejolaš bargat gáiddusin.
Ohccis vurdojuvvo
Seađusvuđot gelbbolašvuođagáibádussan lea skuvlejupmi, man bargu eaktuda, ja sámegiela máhttu (ásahus 1727/95). Álgooahpahusa materiála buvttadeapmái mii ohcat dávvisámegielat bargi. Barggu ceavzilis dikšuma veahkeha doaimma oahppamateriála ja oahpahanávdnasa dovdámuš, bargohárjánupmi oahppamateriálabarggus, buorre sámekultuvrra dovdámuš, fuolalašvuohta ja buorit gulahallandáiddut.
Bálká
Bálká mearrašuvvá Sámedikki bálkávuogádaga gáibádusdási V/I mielde (vuođđobálká 2762,37 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus, ja ahkelasit bargohárjánumi mielde.
Ohcan
Ohcamušskovi, ja friijahápmásaš eaktodáhtolaš ohcanreivve ja vejolaš ánsologahallama ja eará čuvvosiid galgá doaimmahit Sámedikki čállingoddái maŋimustá 31.3.2026 dán elektrovnnalaš ohcamušskovi bokte (rahpasa ođđa lássii):
- Ohcanskovvi sámegielat áppesa prošeaktabargin
- Ohcanskovvi sámegielat badjeskuvlla historjjá oahppogirjji prošeaktabargin
Lassedieđuid barggus addiba vs. oahppamateriálačálli Katja Semenoff, katja.semenoff@samediggi.fi ja oahppamateriálaplánejeaddji Marita Aikio, marita.aikio@samediggi.fi.
Sámedikki doibmii sáhttá oahpásmuvvat čujuhusas www.samediggi.fi ja oahppamateriálaid neahttagávpái čujuhusas www.samediggi.fi/oppimateriaalikauppa/
Anáris 12.3.2026
Sámediggi
