Sámenuoraid konferánsa Anáris 14.–15.8.2025
Sámenuoraid konferánsa lágiduvvo borgemánus 2025 Anáris Sajosis ja váldolágideaddji lea Sámedikki nuoraidráđđi. Konferánssa temá lea árbediehtu.
Nuoraidráđis lea ovddasvástádus lágidit sámenuoraid konferánssa, mii doaibmá iešheanalis nuoraidráđi oktavuođas. Sámenuoraid konferánsa addá iežas namainis almmolaš cealkámušaid, evttohusaid ja álgagiid, mat laktásit sámenuoraid eallindillái ja buresbirgejupmái.
Konferánsa prográmmas leat sáhkavuorut ja bargobajit. Sáhkavuoruid dollet ovdamearkka dihte Giehtačálli, bagadalli ja girječálli Suvi West, Duojár, dáidagiid magisttar Anniina Turunen ja Musihkkapedagoga, juoigi Laura Tapiola. Maid Suoma Lihkadan-, valáštallan- ja nuoraidministtar Mika Poutala lea sádden sámenuoraide filbmadearvvahusa.
Bargobajiid dollet omd. SápmiDem-prošeakta, Lappi universitehtta Rievdan – Muutos -fidnu, Indigenous Knowledge and Arctic Forests -fitnu (Vuvddiid hálddašeapmi ja eamiálbmotrievttit), Sámi Duodji sihke Sámemusea Siida.
Árbediehtu guoskkaha eamiálbmogiid hui čiekŋalit ja máŋgga dásis – dat ii leat dušše fáktadieđuid čoakkáldat dahje máhttu, muhto baicca mávssolaš oassi min kultuvrras, identitehtas ja máilmmioainnus.
Konferánsa lea nuvttá ja rabas buot sámenuoraide. Almmuheapmi lea rabas 8.8. rádjái. Almmuheapmi (rahpasa ođđa ruvttui).
Sámenuoraid konferánssa prográmma, bovdehusa ja almmuhanliŋkka gávnnat nuoraidráđi neahttasiidduin. www.nuor.fi
Lassedieđut:
Nuoraddráđi prošeaktabargi
Lifu Torikka
tlf. 044 902 4833
lifu.torikka@samediggi.fi
Nuoraidráđi konferánssa bargojoavkku ságajođiheaddji
Niila-Juhán Valkeapää
niila-juhan.valkeapaa@samediggi.fi
