Ijahis Idjii ođđa buvttadeaddji - sámemusihkkaguovddáža plánejeaddjin álggahan Minna Lehtola

Minna Lehtola lea álggahan Sámedikki sámemusihkkaguovddáža plánejeaddjin ođđajagimánu beallemuttus. Sámedikki stivra válljii Lehtola plánejeaddji virgái čoahkkimis 14/2025 (19.11.2025). Sámedikki sámemusihkkaguovddáža doaimma jođiha plánejeaddji, gean stuorámus ovddasvástádussan ja bargoollisvuohtan lea Ijahis Idja – eamiálbmogiid musihkkafestivála buvttadeaddjin doaibman.

” Lea illu beassat bargat sámekultuvrrain dáhpáhusbuvttadeami perspektiivvas. Ijahis Idja lea guhkes áigge ordnejuvvon árbevierru ja festivála lea okta loahppageasi stuorámus dáhpáhusain máŋgasiidda. Lea fiinnis leat mielde ordnemin dáhpáhusa.”

Lehtola lea stuđeren kulturbuvttadeami Jyväskyläs Humanisttalaš ámmátallaskuvllas ja sámekultuvrra váldoávnnasin Oulu Universitehtas. Árabut son lea bargan ee. Dihtosis-prošeavttas Sámedikkis ja čájáhusamanueansan Sámemusea Siiddas.

Ijahis Idja – eamiálbmogiid musihkkafestivála lea ordnejuvvon Anáris jagi 2004 rájes. Dán jagi festivála ordnejuvvo 14.-15.8.2026.

Lassedieđut:

Minna Lehtola
Sámemusihkkaguovddáža plánejeaddji
044 902 9295
minna.lehtola@samediggi.fi