Sámediggi ja Eanodaga gielda ovddidedje gulahallama ovttasbargodeaivvadeamis
Sámediggi ja Eanodaga gielda čoahkkanedje oktasaš ovttasbargobeaivái Heahtás. Deaivvadeamis ságastallojuvvui ovddideaddji vugiin ja doppe gieđahallojuvvojedje máŋggat guktuide oassebeliide dehálaš temát ovttasbarggu ovddideami várás.
Eanodaga gielddahoavda Eero Ylitalo ja Sámedikki ságajođiheaddji sadjásaš Tuomas Aslak Juuso.
Eanodaga gieldda ja Sámedikki ovddasteaddjit deaivvadedje Heahtás Eanodaga gielddaviesus gaskavahku 1.4.2026. Deaivvadeami ulbmilin lei ovddidit ovttasbarggu ja dovdát áššiid oktasaš ovdogohccimis. Oktasaš ovdogohcima temán loktejuvvojedje ee. Lappi buresveadjinguovllu bálvalusaid sihkkarastin, Sámi giellalága 31 §:s oaivvilduvvon doarjaga nannen ja meahccegirdimiid sihkkarastima ovddideapmi. Dasa lassin sámegiel nuoraiddoaimma ovddideapmi Eanodagas dollojuvvui dehálažžan.
Beaivvi áigge gieđahallojuvvojedje maiddái eará áigeguovdilis áššit, dego sámiid vuoigatvuođat ja buorit álbmotgaskavuođat, nuoraidáššit, eanageavahan- ja ealáhusáššit, mátkeealáhusáššit, sosiála- ja dearvvasvuohtaáššit, sámegiel árrabajásgeassin ja maid eará giella- ja skuvlenáššit. Dilálašvuođas ságastallojuvvui lassin oktasaš ovdogohccimis ja boahttevaš gulahallama buorideamis.
– Beaivi lei máŋgga ládje movttiidahtti. Dat fálai buori vejolašvuođa rabas ságastallamii ja gaskanas ipmárdusa nannemii, gielddahoavda Eero Ylitalo dadjá.
– Erenomáš mearkkašahtti beaivi lei maiddái munnje persovnnalaččat. Lean boahtán bargui eará sajis, ja sámeguovllu gieldda jođiheapmi lea munnje ođđa vásáhus, Ylitalo joatká.
– Lei dehálaš gullat oainnuid dan birra, maid mearrádusaid válmmaštallamis galgá vuhtiiváldit. Daid áššiid ipmirdeapmi lea eaktu vásttolaš ja suvdilis mearrádusbargamii.
Ylitalo mielde ovttasbarggu mearkkašupmi deattuhuvvo maiddái ovdogohccimis. – Munnje lea dehálaš, ahte ovdogohccimis mii ovdánit oktanaga. Oktasaš ulbmil ja ovttasbargu leat buohkaide ovdun, son gávnnaha.
– Rabas ja ovddideaddji ságastallan lea dehálaš, vai mii sáhttit gávdnat oktasaš čovdosiid ja nannet ovttasbarggu. Deaivvadeapmi Eanodaga gielddain fálai vejolašvuođa gieđahallat goappašagaide dehálaš temáid ja dárkkálmahttit oktasaš ulbmiliid. Ovttasbarggu joatkin lea guovddážis sámiid vuoigatvuođaid ja buriid álbmotgaskavuođaid ovddideapmái guovllus, dadjá Sámedikki ságajođiheaddji sadjásaš Tuomas Aslak Juuso.
Deaivvadeapmái oassálaste Eanodaga gielddas sihke luohttámušolmmoš- ja virgehálddašeaddjiorganisašuvnna alimus hovdengoddi.
Sága deaivvadeamis jođihii váldostivrra ságajođiheaddji Jarmo Näkkäläjärvi.
– Deaivvadeamis lei erenoamáš buorre vuoigŋa, ja ságastallamiid geažil gávnnaimet máŋggaid áššiid, maid sáhttá ovttas ovddidit, muitala Näkkäläjärvi.
Sámedikkis báikki nalde deaivvadeamis ledje ságajođiheaddji sadjásaš Tuomas Aslak Juuso. Gáiddusoktavuođain oassálaste Sámedikki iešguđet doaibmaviidodagaid virgebargit.
Lassedieđut
Eanodaga gielda:
Eero Ylitalo
HTM gielddahoavda / gielddaráđđeolmmoš
040-5704073
eero.ylitalo@enontekio.fi
Sámediggi:
Tuomas Aslak Juuso
Ságajođiheaddji sadjásaš
040 687 3394
tuomas.juuso@samediggi.fi
