Sámediggi ohcá prošeaktabargi Ijahis idja -festiválii
Mearreáigásaš prošeaktabargi vástida Ijahis idja -eamiálbmogiid musihkkafestivála veahkkebuvttadeaddji bargguin. Ijahis idja -festivála ordnejuvvo 14–15.8.2026 Anáris, Sámekulturguovddáš Sajosis.
Bálvalangaskavuođa dieđut
Bargu álgá 1.6.2026 ja bistá 21.8.2026 rádjai. Veahkkebuvttadeaddji doaibmá nana ovttasbarggus sámemusihkkaguovddáža plánejeaddjiin.
Barggu deavdimis čuvvojuvvo mánotbaji geahččalanáigi.
Prošeaktabargi doaibmasadji lea sámekulturguovddáš Sajosis, Anáris. Barggu sáhttá bargat oassái gáiddusin geasse- ja suoidnemánu áigge.
Ohccis vurdojuvvo
Gelbbolašvuođagáibádussan lea heivvolaš skuvlejupmi, man doaibma eaktuda, ja sámegiela máhttu (ásahus 1727/95). Doaimma ceavzilis dikšuma veahkeha hárjánupmi dáhpáhusordnemis, buorit ovttasbargo- ja gulahallandáiddut ja nákca iehčanas ja fuolalaš bargamii. Buorre eaŋgalasgiela máhttu gehččo ánsun.
Bálká
Prošeaktabargi bálká mearrašuvvá Suoma Sámedikki bálkávuogádaga gáibádusdási V/II mielde (vuođđobálká 2490,57 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus, ja ahkelasit bargohárjánumi mielde.
Ohcan
Ohcamušskovi, ja friijahápmásaš eaktodáhtolaš ohcanreivve ja vejolaš ánsologahallama ja eará čuvvosiid galgá doaimmahit Sámedikki čállingoddái maŋimustá 19.4.2026 dán elektrovnnalaš ohcamušskovi bokte (rahpasa ođđa lássii):
Lassedieđuid barggus addá sámemusihkkaguovddáža plánejeaddji Minna Lehtola tel. 044 902 9295 minna.lehtola@samediggi.fi.
Sámedikki doaimmaide sáhttá oahpásmuvvat neahttačujuhusas www.samediggi.fi ja Ijahis idja -eamiálbmogiid musihkkadáhpáhussii čujuhusas: www.ijahisidja.fi
Anáris 23.3.2026
Sámediggi
