Sámediggi bivdá kommentáraid Sámiid ruovttuguovllu luondduriggodatplána gaskageahčadeami várás
Sámediggi oassálastá 26.-27.1.2026 Meahciráđđehusa ordnen Sámiid ruovttuguovllu luondduriggodatplána 2022–2027 gaskageahčadeapmái luondduriggodatplána ovttasbargojoavkku lahttun. Gaskageahčadeapmái ráhkkaneami oktavuođas Sámediggi háliida gullat viidát sápmelaččaid, guđet geavahit guovllu.
Luondduriggodatplána meroštallá stáhta hálddašan eana- ja čáhceguovlluid guhkes áigegaskka geavahusa ekologalaččat, ekonomalaččat, sosiálalaččat ja kultuvrralaččat suvdilis vugiin. Sámiid ruovttuguovllu luondduriggodatplána 2022–2027 gokčá olles Sámiid ruovttuguovllu, nappo Eanodaga, Anára ja Ohcejoga gielddaid ja Soađegili gieldda Lappi bálgosa guovllus stáhta hálddašan eana- ja čáhceguovlluid.
Dego luondduriggodatplánas gávnnahuvvo ”Dán luondduriggodatplána guovddáš erohus Meahciráđđehusa eará luondduriggodatplánaide lea das, ahte dás luondduriggodagaid dikšun, geavahus ja suodjaleapmi oktiiheivehuvvo oamasteaddji ásahan mihttomeriide ja guovllu mihttomeriide dan láhkai, ahte seammás dorvvastit sámiid eavttuid kultuvrii.”(s. 4)
Mii bivdit oainnuid sápmelaš guovllu geavaheaddjiin erenomážit čuovvovaš áššiin:
- Mo luondduriggodatplánas listejuvvon doaibmabijut leat ollašuvvan erenomážit sámekultuvrra oaidninčiegas?
- Makkár vejolaččat ođđa dárbbut leat badjánan luondduriggodatplánema ektui?
- Makkár ovddidandárbbut sápmelaš doibmiin leat Meahciráđđehusain ovttasbarggu buorideami várás?
Sádde iežat oainnu e-poasttain maŋimustá 21.1.2026:
- Sádde dieđu čujuhusaide: info@samediggi.fi ja olsen-ljetoff@samediggi.fi
- Čále dieđu fáddán: Sámiid ruovttuguovllu luondduriggodatplána gaskageahčadeapmi
Oahpásmuva Sámiid ruovttuguovllu luondduriggodatplánii 2022-2027: https://julkaisut.metsa.fi/wp-content/uploads/sites/2/2022/07/saamelaisten_kotiseutualueen_lvs_suomi.pdf
Lassedieđut:
Laura Olsén-Ljetoff
Ealáhusčálli
040 617 5113 / 010 839 3123
laura.olsen-ljetoff@samediggi.fi
