Sámedikki oahppomateriáladiŋgojumiid gieđahallamis boddu

Sámedikki oahppomateriálagávppi diŋgojumit eai gieđahallojuvvo áigodagas 3.–24.4.2026.
Diŋgojumit, mat leat boahtán 2.4.2026 diibmu 14 rádjai, geargá oažžut vel rehkega ja dat páhkkejuvvojit gárvvisin. Diŋgojupmi biddjo poastta mielde go rehket lea máksojuvvon.

Máksojuvvon girjediŋgojumiid sihke skuvllaid ja sámi árrabajásgeassinovttadagaid nuvttá girjediŋgojumiid sáhttá viežžat maiddái namuhuvvon áigodagas.

Diŋgojumiid gieđahallan joatkkašuvvá fas 27.4. rájes.

Skuvllain oahpaheaddjit ožžot digitála oahppomateriálaid atnuideaset Otava Nova-birrasis. Skuvllain Nova-bajásdoalli bovde ođđa oahpaheaddji Nova geavaheaddjin ja laktá su skuvlla oahpaheaddjin. Jus oahpaheaddjis eai leat dovddaldagat dahje son háliida searvat ođđa skuvlii, galgá son leat oktavuođas skuvlla Nova-birrasa bajásdoallái. Dábálepmosit bajásdoallin lea skuvlačálli dahje rektor. Diehtosuoji dáfus buot geavaheddjiide gusto Otava diehtosuodječilgehus.