Eurohpa eamiálbmotmátkeealáhuskonfereansa EITC 2025
World Indigenous Tourism Alliance (WINTA) ovttas Sámedikkiin ja Lappi universitehtain bovde buohkaid, geat leat beroštuvvan áššis, Eurohpa eamiálbmotturismakonferensii EITC 2025:i, mii lágiduvvo 20.−22.5.2025 Anáris. Oassálastit sáhttá sihke báikki alde ja gáiddusin.
Konfereanssas lea guovddáš temán ehtalaččat suvdilis eamiálbmotmátkeealáhus. Ordnejeaddjit sávvet liekkus bures boahtima buohkaide, geat leat áššis beroštuvvan, erenomážit eamiálbmogiidda gullevaš mátkeealáhusfitnodatolbmuide ja čanusjoavkkuide Sámis, Ruonáeatnamis ja eará guovlluin máilmmis, ja maiddái turismasuorggi eará ovddasteaddjiide, geat laktásit áššái, ja dan lassin eamiálbmotdutkiide.
Konfereanssa oassin lágiduvvo 20.5.2025 eamiálbmotturismma dutkansymposium. Ja
21.−22.5.2025 biddjo deaddu ehtalaččat suvdilis eamiálbmotmátkeealáhusa geavadii.
Konfereanssas lea simultánatulkon eaŋgalsgillii, anáraš-, nuortalaš- ja davvisámegillii ja suomagillii. Dutkansymposium giellan lea dušše eaŋgalsgiella.
Almmuheapmi konferensii dáhpáhuvvá dáppe. Gáiddusin oassálastiide ii leat almmuhanmáksu. Báikki alde oassálastiin berrojuvvo oassálastinmáksu boradangoluid gokčama várás. Báikki alde oassálastit mákset ieža maiddái mátke- ja idjadangoluid. Almmuhansiidduin gávdnojit dieđut idjadanmolssaeavttuin, mat leat fállun.
Oahpahus- ja kulturministeriija lea mieđihan sierradoarjaga konfereanssa lágideami várás.
Oktavuođaolbmot:
Monika Lüthje, Lappi universitehta, tel. 040-484 4198, monika.luthje@ulapland.fi
