Ođđa nuortalašgielat Tiõrv! 1 liânt -digimateriála lea almmustuvvan
Skuvlen- ja oahppomateriáladoaimmahat lea almmuhan ođđa nuortalašgielat jietnamateriála. Tiõrv! 1 liânt -digimateriála lea Tiõrv! Koltansaamen kurssi 1 –oahppo- ja hárjehusgirjái gullevaš jietnamateriála.
Dát ráidu lea plánejuvvon nuortalašgiela B3 oahpahussii (logahagas nuortalašgiella vierisgiellan), muhto materiála heive maiddái rávesolbmuidoahpahussii.
Ulbmilin lea doarjut nuortalašgiela vuođđogurssa oahppi jietnadeami ja hállojuvvon giela áddema. Materiála sisttisdoallá maiddái dálá áiggi eatnigielat hálli lohkan nuortalašarkiiva teavsttaid, maid bokte arkiivva geavaheapmi šaddá álkibun.
Sisdoalu leat bardán digitála birrasii Unni Länsman ja Esther Berelowitsch, oahppo- ja hárjehusgirjji lea govuhan Erja Taskinen. Hállin leat Raija Lehtola, Tiina Sanila-Aikio, Anna-Katariina Feodoroff, Ville-Riiko Fofonoff, Eeva Nykänen ja Tauno Porsanger.
Oahppogirjji teavsttaid lea čállán Anna-Katariina Feodoroff ja vuođđun son lea geavahan Satu ja Jouni Moshnikoff teavsttaid. Hárjehusgirjji leat čállán Satu ja Jouni Moshnikoff, Esther Berelowitsch sihke Tiina Sanila-Aikio.
- Digibuktaga sáhttá diŋgot Sámedikki fierpmegávppis: Tiõrv! 1 liânt digigirji
Lassedieđut:
Esther Berelowitsch
Vs Oahppomateriálaplánejeaddji
044 746 7280
esther.berelowitsch@samediggi.fi
