Ságajođiheaddji Pirita Näkkäläjärvi máhccá vánhemiidfriijavuođas miessemánus 2026: II várreságajođiheaddji Tuomas Aslak Juuso joatká dassážii ságajođiheaddji sadjásažžan
Ságajođiheaddji Pirita Näkkäläjärvi máhccá bargui 12.5.2026. Máhccama rádjai joatkit sadjásašordnemiin, man ságajođiheaddjit leat árabut soahpan. Näkkäläjärvi oassálastá lassin maid álbmotbeaivvi ávvudeapmái 6.2.2026.
Govas Sámedikki ságajođiheaddji Pirita Näkkäläjärvi (gasku), I várreságajođiheaddji Leo Aikio (gurotbealde) ja II várreságajođiheaddji Tuomas Aslak Juuso (olgešbealde). Govva: Ville Fofonoff / Sámediggi
Sámedikki ságajođiheaddjit sohpe juovlamánus 2024 ságajođiheaddji Pirita Näkkäläjärvi vánhemiidfriijavuođa áigásaš sadjásašordnemiin. Näkkäläjärvi sadjásažžan ođđajagimánu 2025 rájes lea doaibman II várreságajođiheaddji Tuomas Aslak Juuso.
Ságajođiheaddji Näkkäläjärvi sektorvásttut leat juhkkojuvvon I várreságajođiheaddji Leo Aikioi ja II várreságajođiheaddji Tuomas Aslak Juusoi. Dasa lassin árabut lea sohppojuvvon várreságajođiheaddji iežas sektorvásttuin ja ságajođiheaddjiid oktasaš vásttusurggiin.
Ságajođiheaddjijoavkku guđege lahtu vástun leat su vásttusektoriid cealkámušat, evttohusat, álgagat ja bealiváldimat ja maid eará vástideaddji áššebáhpárat.
Vuolde listu vásttusurggiin ságajođiheaddji vánhemiidfriijavuođa áigge:
Tuomas Aslak Juuso:
- oppalašvástu ja stuorát proseassat
- bušeahttaáššit
- álbmogiidgaskasaš doaibma
- EU-áššit
- sámegielat
- árrabajásgeassin
- skuvlenáššit
- sosiála- ja dearvvašvuođafuolahus
- ovttasbargu Lappi buresveadjinguovlluin
- eará sosiáladorvu
- riikkabeaijoavkkuid ovttasbargoorgána ságajođiheaddji barggut
- nuoraidáššit
- gávpotsámiid áššit
- arvedávgeáššit
Leo Aikio:
- ealáhus-, vuoigatvuođa- ja birasáššit
- sámemátkeealáhus
- anárašáššit
- ealáhusbargiid sosiáladorvu
- Deanu guoski áššit
- Lappi-soahpamušproseassa
- ovttasbargu gielddaiguin
- kulturáššit
- mánáidkultur-, filbma- ja musihkkaguovddášdoaibma, Duodji-akademiija
- kulturárbi
Ságajođiheaddjijoavku ovttas:
- sámediggeláhkaođastus
- dálkkádatnuppástus, luondojávku
- duohtavuođa- ja soabadanproseassa
- davviriikkalaš sámesoahpamuš
Lassedieđut:
Tuomas Aslak Juuso
II várreságajođiheaddji, ságajođiheaddji sadjásaš
040 687 3394
tuomas.juuso@samediggi.fi
Leo Aikio
I várreságajođiheaddji
040 621 6505
leo.aikio@samediggi.fi
