Sámediggi deaivvadii ministariid stáhtačálliid Sajosis Anáris 27.10.
Deaivvadeapmi gulai stáhtačálliid Davvi-Suoma galledeapmái, man guovddáš temát leat dorvvolašvuohta, davvivuohta ja sápmelašvuohta. Galledeami áigge Sámediggi ovdanbuvttii sápmelaččaid guoski áigeguovdilis áššiid.
– Lean ilolaš das, ahte stáhtačállit bohte báikki ala oahpásnuvvat davvi guovllu áššiide. Ovdanbuvttiimet erenomážit sápmelaččaid guoski áigeguovdilis jearaldagaid, dego sámegielagiid sode-bálvalusaid dorvvasteapmái, eanageavahussii ja árbevirolaš ealáhusaide gullevaš áššiid ja sámegielaid gáiddusoahpahusprošeavtta fástan dahkama, giitá Sámedikki ságajođiheaddji sadjásaš Tuomas Aslak Juuso deaivvadeamis.
Sámedikkis deaivvadeapmái oassálaste ságajođiheaddji sadjásačča lassin stivrra lahttu Tauno Ljetoff, hálddahushoavda Pia Ruotsala-Kangasniemi, ealáhus- ja birasláhkačálli Sarita Kämäräinen ja dieđihančálli Johanna Alatorvinen. Nuortalaččaid siidačoahkkimis mielde ledje nuortalaččaid luohttámušolmmoš Veikko Feodoroff ja čálli Terhi Harju.
Lassedieđut
Tuomas Aslak Juuso
Ságajođiheaddji sadjásaš
040 687 3394
tuomas.juuso@samediggi.fi
Pia Ruotsala-Kangasniemi
Hálddahushoavda
040 726 2688 / 010 839 3106
pia.ruotsala@samediggi.fi
