Sámediggi ohcá nuoraidčálli virgesadjásačča
Sámediggi almmuha ohcan láhkái nuoraidčálli virgesadjásašvuođa áigái 15.9.2025–31.7.2026.
Nuoraidčálli barggut mearrašuvvet Sámedikki bargoortnega 26 a § mielde. Nuoraidčálli váldobargun lea doaibmat nuoraidráđi ovdanbuktin ja čállin ja válmmaštallat nuoraidráđi čoahkkimiin gieđahallan láhkái áššiid sihke ollašuhttit mearrádusaid. Lassin nuoraidčálli bargun lea ee. válmmaštallat sámedikki doaibmaorgánaide sámenuoraid eallindiliide ja buresveadjimii guoskevaš áššiid, ovddidit sápmelaš nuoraidbarggu ovttas sámenuoraiguin, vástidit sámedikki nuoraiddieđiheamis sihke dikšut sápmelaš nuoraidmearreruđa hálddašeapmái laktáseaddji bargguid.
Bálvalangaskavuođa dieđut
Virgesadjásašvuohta álggášii 15.9.2025 dahje soahpamuša mielde ja bistá 31.7.2026 rádjái. Bargu sajaiduvvá Sámedikki almmolaš doaimmahaga vuollái.
Sámedikki doaibmabáiki lea Sámekulturguovddáš Sajosis, Anáris, muhto barggu lea vejolaš bargat gáiddusbargun.
Mii vuordit ohccis
Dohkálašvuođaeaktun lea barggu gáibidan skuvlejupmi sihke sámegiela dáidu (ásahus 1727/95). Virggi menestuvvi dikšuma veahkeha heivvolaš allaskuvladutkkus, buorre nuoraidáššiid, sámekultuvrra ja hálddahuslaš bargguid dovdamuš sihke buorit ovttasbargo- ja vuorrováikkuhusdáiddut. Mii vuordit maiddái njuovžilis čállindáiddu, válmmašvuođa iehčanas bargamii, buriid organiseren- ja deaddaga gierdannávccaid.
Bálká
Bálká mearrašuvvá Sámedikki bálkávuogádaga gáibádusdási IV/II mielde (vuođđobálká oppalašbargoáiggis 2998,97 euro/mb). Vuođđobálkká lassin máksojuvvo sámeguovllus barggadettiin 24 % sámeguovllu lassi ja bargovásáhusa mielde mearrašuvvi vásáhuslasit.
Ohcan
Ohcanskovi, sihke eaktodáhtolaš friddjahápmásaš ohcanreivve sihke vejolaš ánsologahallama ja eará mildosiid galgá doaimmahit Sámedikki čállingoddái maŋimustá 25.8.2025 dán elektrovnnalaš ohcanskovi bokte (rahpasa ođđa lássii) Ohcanskovvi
Lassedieđuid barggus addá áiggis 7.–25.8.2025 hálddahushoavda Pia Ruotsala-Kangasniemi, pia.ruotsala@samediggi.fi, tel. 040 726 2688
Sámedikki doaimmaide sáhttá oahpasmuvvat neahttačujuhusas www.samediggi.fi ja nuoraidráđi doaimmaide čujuhusas nuor.fi
Anáris 25.7.2025
Sámediggi
