Dieđáhus jagi 2027 sámediggeválggaid válgalogahallamii ohcama birra
Sámedikki válgalávdegoddi lea álggahan válgalogahallama ođđasit čohkkema jagi 2027 válggaid várás.
Jagi 2024 sámediggeválggaid válgalogahallamii merkejuvvon olbmot eai dárbbaš deavdit ođđa ohcanskovi. Jagi 2024 válggaid válgalogahallamii merkejuvvon olmmoš váldojuvvo válgalogahallamii ohcamuša haga, jus son deavdá dála lágas mearriduvvon válgalogahallamii merkema eavttuid. Válgalávdegoddi bivdá lassedieđuid, jus lea dárbu.
Ohcanskovit jagi 2027 válgalogahallamii ohcama várás almmustahttojuvvojit dalle, go vuoigatvuohtaministeriija ásahus sámedikki válggain čuvvojuvvon meannudeamis lea ođasmahtton, goittotge maŋimustá 15.8.2026. Bivdaga jagi 2027 válgalogahallamii váldima dahje das eretsihkkuma várás ferte máhcahit válgalávdegoddái elektrovnnalaččat dahje poastta fáro nu, ahte dat joavdá maŋimustá čakčamánu 30. beaivvi 2026.
Lága sámedikkis 974/1995 3 § (27.6.2025/414) mielde:
“Sus guhte atná iežas sápmelažžan, lea vuoigatvuohta beassat mielde válgalogahallamii, dainna eavttuin ahte:
1) son ieš dahje unnimustá okta su váhnemiin, dahje áhkuin ja ádjáin dahje áhkuid ja ádjáid váhnemiin lea oahppan sámegiela vuosttaš giellanis; dahje
2) unnimustá okta su váhnemiin lea merkejuvvon dahje lea leamašan merkejuvvon jietnavuoigadahtton olmmožin 1. ođđajagimánu 2027 dahje dan maŋŋá ordnejuvvon sámediggeválggain.
Válgalogahallamii merkema eaktun lea maiddái dat, ahte dán lágas mearriduvvon ahkái, riikkavulošvuhtii ja álbmotlogahallamii guoskevaš eará eavttut devdojuvvojit.”
Fuomáš, ahte čuokkis 2) guoská válggaid, mat dollojuvvojit jagi 2027 sámediggeválggaid maŋŋel.
Dan lassin:
“Sámedikki válgalogahallamii merkema eaktun lea ássanbáikái geahčakeahttá dan lassin, mii 3 §:s mearriduvvo, ahte son deavdá maŋimustá válgadoaimmahusa maŋimuš beaivve 18 jagi ja ahte son lea Suoma riikkavuloš dahje sus olgoriikka riikkavuložin leamaš ruovttugieldalágas (201/1994) oaivvilduvvon ruovttugielda Suomas dallego bivdaga válgalogahallamii váldimis lea galgan maŋimustá bargat.” (Láhka sámedikkis 974/1995 21 § (27.6.2025/414)).
Lassedieđut:
Sámedikki válgalávdegoddi
Sámekulturguovddáš Sajos
vaalit(at)samediggi.fi
