Ođđa nuortalašgielat diktagirji lea almmustuvvan
Skuvlen– ja oahppomateriáladoaimmahat lea almmustuhttán ođđa nuortalašgielat diktagirjji mii lea dárkkuhuvvon vuolleskuvllalaččaide.
Vuõʹrres vuäʹrrev girjji divttaiguin dutkojuvvo máilbmi mánáid čalmmiiguin. Girjjis leat muhtin deavsttat maid lea álki lohkat, oassi lea vehá váddáseabbo. Girji heive buot skuvlalaččaide. Girjjis leat divttaid lassin oanehis diehtodeavsttat. Dat heivejit sidjiide, geat easkka oahpahallet lohkat dahje máhttet nuortalašgiela veahá. Divttaid vehkiin sáhttá maid hárjehallat nuortalašgiela sierra jietnademiid.
Girjji lea čállán Maria Porsanger, govuhan ja doadján Anna Illikainen. Girjji giehtačállosa ja govuheami lea dorjon Jenny ja Antti Wihuri vuođđudus.
Girjji sáhttá diŋgot Sámedikki oahppomateriálagávppis: Vuõʹrres vuäʹrrev
Lassedieđut:
Mervi Semenoff
Oahppomateriálaplánejeaddji
044 77 31 860
mervi.semenoff@samediggi.fi
