Ohcejoga gielda ja Sámediggi ovddidit ovttasbargguset
Ohcejoga gielda ja Sámediggi deaivvadedje ovttasbarggu olis Ohcejogas njukčamánu 20. beaivve 2025. Deaivvadeami ulbmilin lei lasihit oktasaš ovdogohcima ja ovddidit ovttasbarggu.
Ohcejoga gielda ja Sámediggi deaivvadedje ovttasbarggu olis Ohcejogas. Govva: Ohcejoga gielda / Suvi Spoof.
Sámediggi lea joatkán ovttasbargočoahkkimiid ordnema ovttas sámiid ruovttuguovllu gielddaiguin. Duorastaga 20.3.2025 Ohcejoga gieldda ja Sámedikki ovddasteaddjit deaivvadedje Ohcejogas. Deaivvadeami ulbmilin lei oktasaš ovdogohcima ja ovttasbarggu ovddideapmi. Oktasaš ovdogohcima fáddán fuomášuvvojedje ee. gáiddusoahpahusfitnu fidnen bissovažžan, Geavu dutkanstašuvnna ovddideapmi ja sámegielat nuoraidbarggu ovddideapmi.
Deaivvadeamis gieđahallojedje maiddái eará Ohcejoga gildii ja Sámediggái áigeguovdilis áššit. Ovttas ságastallui ee. áigeguovdilis eanangeavaheapmái, turismii ja ealáhusaide gullevaš áššiin ja maid sámi giellalága ollašuhttimis ja sámegielat nuoraidbarggus. Dasa lassin plánejuvvui, mo ovddidit siskkáldas gulahallama boahttevuođas.
–Sávan, ahte ságastallanoktavuohta sámedikkiin seailu nanusin, daningo mis leat ollu oktasaš intreassat earret eará ovdogohcimis, dadjá Ohcejoga gielddahoavda Päivi Kontio.
–Giittán Ohcejoga gieldda buori deaivvadeamis. Ovttasbargodeaivvadeamit sámiid ruovttuguovllu gielddaiguin leat leamaš hui dehálaččat, daningo mis leat ollu oktasaš áššit ovddidanláhkai, dadjá Sámedikki vuosttas várreságajođiheaddji Leo Aikio.
Ohcejoga gielddas čoahkkimii oassálaste váldostivrra ságajođiheaddji Arto Pohjanrinne, ráđđehusa ságajođiheaddji Väinö Guttorm, gielddahoavda Päivi Kontio, buresveadjinhoavda Pirjo Seurujärvi, astoáiggečálli Kaisa Tapiola-Länsman ja gulahallan- ja turismakoordináhtor Suvi Spoof ja maid gáiddusoktavuođain eallinfápmohoavda Tanja Lepistö. Sámedikkis čoahkkimii ledje boahtán I várreságajođiheaddji Leo Aikio, stivrra lahttu Asko Länsman, hálddahushoavda Pia Ruotsala-Kangasniemi, ealáhus- ja birasláhkačálli Sarita Kämäräinen, gielladorvočálli Anne Kirste Aikio ja plánejeaddji Kirsi Suomi. Gáiddusoktavuođain oassálaste ságajođiheaddji sadjásaš Tuomas Aslak Juuso, láhkačálli Kalle Varis, nuoraidčálli Elli-Marja Hetta, vs. ealáhusčálli Maria Valkeapää ja dieđihančálli Johanna Alatorvinen.
Lassedieđut:
Ohcejoga gielda
Päivi Kontio
gielddahoavda
040 744 7630
ovdanamma.sohkanamma@utsjoki.fi
Sámediggi
Leo Aikio
I várreságajođiheaddji
040 621 6505
leo.aikio@samediggi.fi
