Sámediggi ohcá márkanastinhoavdda

Sámekulturguovddáš Sajos lea Anáris, Juvdujoga gáttis. Sajos lea Suoma sápmelaččaid parlameantadállu, mátkkošteaddjiid galledanbáiki sihke dáhpáhusbáiki, gos lea vejolaš lágidit áidnalunddot birrasis máŋggalágan čoahkkimiid, konferánssaid ja dáhpáhusaid. Sajosa oktavuođas doaibmá bálvalanovttadat, mii vástida Sámedikki stivrra vuollásašvuođas earret eará kulturguovddáža márkanastimis, Sajosa restoráŋŋadoaimmas sihke teknihkalaš ja logistihkalaš bálvalanbuvttadeamis ja giddodaga bajásdoallamii laktáseaddji bargguin sihke iešguđetlágan dáhpáhusaid lágideamis.

Márkanastinhoavdda bargguide gullá ee. fuolahit Sámekulturguovddáš Sajosa čoahkkinlanjaid ja bálvalusaid márkanastimis ja vuovdimis, dáhpáhusaid buvttadeapmái ja lágideapmái laktáseaddji geavatlaš áššiid ovttas bálvalanovttadaga eará bargiiguin sihke vástidit bálvalanovttadaga ruhtadoalus. Márkanastinhoavda doaibmá Sajosa bálvalanovttadaga teama oassin ja olles bálvalanovttadaga lagašovdaolmmožin. Márkanastinhoavdda bargguide gullá doaibmasuorgásis gullevaš ovdanbuktibargguid čađaheapmi Sámedikki doaibmaorgánain.

Bálvalangaskavuođa dieđut

Virgegaskavuohta álggášii soahpamuša mielde čakčat 2025 ja dat lea doaisttážii fámus orru. Barggu deavdimis čuvvojuvvo guđa mánotbaji geahččalanáigi.

Bargu bargojuvvo Sámekulturguovddáš Sajosis, Anáris.

Mii vuordit ohccis

Dohkálašvuođaeaktun lea barggu gáibidan skuvlejupmi sihke sámegiela dáidu (ásahus 1727/95). Virgái gullevaš bargguid menestuvvi dikšun gáibida heivvolaš allaskuvladutkkosa, márkanastinsuorggi ja sámekultuvrra buori dovdamuša, sihke buori eŋgelasgiela dáiddu. Barggu menestuvvi dikšumii dárbbašuvvojit buorit ovttasbargo- ja fierpmádagaid huksendáiddut sihke aktiivvalaš márkanastinvuoigŋa ja návccat strategalaš jurddašeapmái ja doaibmama ovddideapmái.

Mii vuordit vásáhusa jođiheamis ja ovdaolmmošbarggus. Buorit persovdnajođihandáiddu, čoavddus- ja ovttasbargoorienterejuvvon doaibmanvuohki lagašovdaolmmošbarggus, deaddaga gierdannávccat sihke buorit vuorrováikkuhus- já teamajođihandáiddut leat dehálaš válmmašvuođat márkanastinhoavdda barggu dikšumis.

Bálká

Bálká mearrašuvvá Sámedikki bálkávuogádaga gáibádusdási III/II mielde (vuođđobálká oppalašbargoáiggis 3404,76 euro/mb). Vuođđobálkká lassin máksojuvvo sámeguovllus barggadettiin 24 % sámeguovllu lassi ja bargovásáhusa mielde mearrašuvvi vásáhuslasit.

Ohcan

Ohcanskovi, sihke friddjahápmásaš ohcanreivve sihke vejolaš ánsologahallama ja eará mildosiid galgá doaimmahit Sámedikki čállingoddái maŋimustá 21.8.2025 dán elektrovnnalaš ohcanskovi bokte (rahpasa ođđa lássii) Ohcanskovvi

Lassedieđuid barggus addá áiggis 21.–25.7.2025 ja 3.–6.8.2025 bargiidhoavda Ida Pirttijärvi, ida.pirttijarvi@samediggi.fi, tel. 040 660 77 22 ja áiggis 7.–21.8.2025 hálddahushoavda Pia Ruotsala-Kangasniemi, pia.ruotsala@samediggi.fi, tel. 0108393106.

Sajosa ja Sámedikki doaimmaide sáhttá oahpásmuvvat neahttačujuhusain www.sajos.fi ja www.samediggi.fi

Anáris 21.7.2025
Sámediggi