Sámediggi ohcá mearreáigásaš prošeaktabargi nuoraidráđi De! 2 -fidnui

Prošeaktabargi bargun lea sámegielat ja kulturvuđot nuoraidbarggu ovddideapmi sámeguovllu gielddain prošeaktaplána mielde ovttas Sámedikki nuoraidráđiin ja fitnu stivrenjoavkkuin. Prošeaktabargi pláne ja ollašuhttá nuoraid astoáiggi doaimma ja ordne doaimma sierra báikegottiin sámenuoraid sávaldagaid ja dárbbuid vuođul ovttasbarggus sámeguovllu gielddaiguin. Prošeaktabargi vástida fitnu geavatlaš ordnemiin ja ollašuhttimis ja raporta ráhkadeamis.

Bargu álggášii soahpamuša mielde borgemánus 2025 ja bistá  11 mánotbaji.

Gelbbolašvuođagáibádussan lea skuvlejupmi, man doaibma eaktuda ja sámegiela máhttu (ásahus 1727/95). Mii atnit árvvus návcca iehčanas ja fuolalaš bargamii, buriid ovttasbargo- ja gulahallandáidduid ja vásáhusa prošeaktabarggus ja dáhpáhusaid lágideamis. Vásáhus nuoraidbarggus gehččojuvvo ávkin.   Prošeaktabargi doaibmasadji lea sámekulturguovddáš Sajosis, oasi bargoáiggis lea vejolaš bargat gáiddusin. Barggu dikšun eaktuda mátkkošteami sámeguovllus ja vuodjinkoarta/iežas biilla geavahusa.

Bálkkámáksin hápmašuvvá Sámedikki bálkávuogádaga gáibádusdási VI/II mielde (vuođđobálká 2490,57 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus ja ahkelasit, mat hápmašuvvet bargohárjánumi mielde.

Friddjahápmásaš ohcanreivve ja vejolaš ánsologahallama ja eará mildosiid galgá doaimmahit Sámedikki čállingoddái maŋimustá 31.7.2025 dán ohcamušskovi bokte (rahpasa ođđa ruvttui): Ohcamušskovvi

Lappi guovlohálddahusdoaimmahat lea mieđihan Sámedikki nuoraidráđđái 55 000 e ruhtadeami nuoraiddoaimma ovddidanfidnui.

Lassedieđuid barggus addá bargiidhoavda Ida Pirttijärvi, ida.pirttijarvi(at)samediggi.fi ja puh. 040 660 77 22 áigodagas 14.-25.7.2025.

Sámedikki doibmii sáhttá oahpásmuvvat neahttačujuhusas www.samediggi.fi ja nuoraidráđi doibmii čujuhusas www.nuor.fi

Anáris 26.6.2025
Sámediggi