Sámediggi ordne ságastallanráiddu nuortalašgiela dilis
Sámediggi bovde ságastallat nuortalašgiela dilis ja ovddideamis. Ságastallamiid ulbmilin lea čohkket iešguđet doibmiid oktii guorahallat čovdosiid, maiguin giela dili sáhtálii buoridit ovttasbargguin ja juo leahkki resurssaid vehkiin. Ságastallamiin geahččalit gávdnat čovdosiid ja geahččat ovddosguvlui. Dárbbu mielde fáttá gieđahallan álggahuvvo dáládili kártemiin.
Govva: Tarmo Lehtosalo / Nuortalaškulturvuođđudus.
Ságastallamiidda bovdet mielde olbmuid, geain lea beroštupmi ovddidit nuortalašgiela dili dahje barget giellaáššiiguin. Maiddái nuortalašgielat bálvalusaid geavaheaddjit, hubmit ja ovttaskas olbmot leat bures boahtin.
Ságastallanráidu lea oassi Sámedikki giellapolitihkalaš doaibma- ja ovddidanprográmma jagiide 2025-2027. Sámedikki dievasčoahkkin lea bidjan válgabaji guhkesáigásaš doaibmabidjun nuortalašgiela ealáskahttima, nannema ja ovddideami. Sámedikki oainnu mielde nuortalašgiela dilli spiehkasta anáraš- ja davvisámegiela dilis ja gáibida erenomáš doaimmaid dan ealáskahttimii. Hástalussan lea gávnnahuvvon, ahte nuortalašgiela ealáskahttima dahje viidáseappot giellaplánema ii koordinere oktage ásahus systemáhtalaččat. Danne háliida Sámediggi dál bovdet iešguđet doibmiid digaštallat mot galggašii ovdánit nuortalašgiela ealáskahttinbarggus. Ságastallamiin ráhkaduvvojit muittuhančállosat, maid vuođul nuortalašgiela ovddidanbargu joatkašuvvá Sámedikkis.
Vuosttas ja deháleamos fáddán gávnnahuvvui válmmaštallanbarggus nuortalašgiela árrabajásgeassima ja oahpahusa dili ovddideapmi. Fáttát leat válljejuvvon Sámedikki, Nuortalaččaid siidačoahkkima ja Nuortalaš kulturvuođđudusa gaskasaš ságastallamiin. Vuolábealde leat dieđut ságastallanfáttáid birra ja liŋkkat, maid bokte sáhttá searvat. Ságastallamiidda oassálastima várás ii dárbbaš almmuhit sierra, spiehkastahkan lea ságastallan Čeavetjávrris. Dieđáhus ođasmahttojuvvo dađi mielde go dieđut buot hálliin sihkkarastojuvvojit.
Ságastallamiid temát:
1. Nuortalašgielat árrabajásgeassin
29.4.2025 dmu 14.30–16.00 Teams bokte: Oassálastinliŋka.
Ságastallamis mielde Anára gieldda árrabajásgeassinjođiheaddji Pirkko Saarela, árrabajásgeassinovttadaga jođiheaddji Krista Leivo ja Sámedikki giellabeassejođiheaddji Niina Aikio-Siltala. Ságastallama láidesta Sámedikki gielladorvočálli Anne Kirste Aikio.
2. Nuortalašgielat vuođđoskuvla- ja logahatoahpahus
19.5.2025 dmu 12–14 Teams bokte: Oassálastinliŋka.
Ságastallan lea suomagillii, muhto ságastallamis lea vejolašvuohta geavahit davvi-, anáraš- dahje nuortalašgiela jus hálida.
3. Giellateknologiija
11.6.2025 dmu 14–16 Teams bokte: Oassálastinliŋka.
4. Giellabiras
4.9.2025 dmu 18–20 lagasdeaivvadeapmi Čeavetjávrris.
Lassedieđut ja almmuhanliŋka lasihuvvo maŋŋeleappos.
Fáttás lágiduvvo maiddái nubbi lagasdeaivvadeapmi čakčamánu áigge, áigi ja báiki almmuhuvvo maŋŋel.
5. Konkrehtalaš giellabirrasiid ovddideapmi
7.10.2025 dmu 12–14 Teams bokte: Oassálastinliŋka.
Ságastallamat lágiduvvojit ovttasbarggus Nuortalaččaid siidačoahkkimiin ja Nuortalaškulturvuođđudusain
Lassidieđut:
Anne Kirste Aikio, gielladorvočálli
anne-kirste.aikio@samediggi.fi
Marko Marjomaa, giellaáššiidčálli
marko.marjomaa@samediggi.fi
Niina Aikio-Siltala, giellabeassejođiheaddji
niina.aikio-siltala@samediggi.fi
