Sámenuoraid dáiddadáhpáhusa bargobájiide, mat leat 6.5.2025, almmuheapmi lea jođus 10.-22.4.2025

Sámenuoraid dáiddadáhpáhusa ovddit beaivve 6.5.2025 ordnejuvvojit sámenuoraide ja -mánáide bargobájit ja maiddái maŋit beaivve ovdanbuktimiid soundcheckit. Bargobájiide almmuheapmi lea jođus 10.-22.4.2025. Bargobájiid ordnejeaddjin leat Sámemusea Siida, Sámi mánáidkulturguovddáš Mánnu ja Nuoraidráđđi, ja buot bargobájit lágiduvvojit Sámekulturguovddáš Sajosis, Anáris.  

Liŋka bargobájiide almmuheapmái: https://link.webropolsurveys.com/S/E3184722E7FB6826 

Oanehis govvádusat gaskavahku bargobájiid birra: 

Sámemusea Siida 

Bargobádjeprográmma ordnejuvvo guovtte ahkejovkui 1.-4.lk ja 5.-9.lk oahppiide. Bargobájiid temán lea dán jagi birasdáidda. Bargobájit álget dássediimmuid ja bistet 45 minuhta. Dáiddabargobájiin sáhttá durdut ivnniin ja liimmas nu, ahte dán dáiddaateljeei ii gánnet searvat fiidnáseamos biktasiin. Bargobájiin addojuvvo sadji hutkáivuhtii nu, ahte telefovnnat guđđojuvvojit rehppui dahje jáhka lupmii boađidettiin ateljeei. Buot dárbbašlaš materiálat juhkkojuvvojit bargobájis. Bargobájiide lea ovddalgihtii almmuheapmi 10.-22.4.2025.  

1.-4. luohkáid bargobáji temán lea birasdáidda. Bargobájis oahpásmuvvo dáiddár-duojár Inghild Tapio muorračuolahusaide ja daid bargguid vuođul oahppit ožžot dudjot iešgovaid muoras ja eará árbevirolaš duodjemateriálain. Loahpas mánáid bargan iešgovat biddjojuvvojit oidnosii olgomusea bealljegoahtái, gos dat leat oaidnin láhkai čavčča rádjai.  
Mánát málejit iežaset muohtogova muorrabihttái ja hervejit muora sin válljen vugiin addojuvvon duodjemateriálain. Juohke čuolahussii čállojuvvo dáiddára namma, vai barggut máhccet ruovttoluotta rivttes oamasteaddjiide das maŋŋá, go čájáhus nohká. Bargobáji áigge sáhttá ságastallat das, maid dárkkuha iešgovva. Bargobádjebarggus mánná oažžu govvet iežas justa dakkárin, go oaidná iežas. Bargobádji addá saji mánnái smiehttat, gii son lea ja mii lea su identitehta.   

5.-9.lk. oahppiid bargobájis vuojulduvvo máidnasiidda birasdáidaga vugiiguin. Bargobáji álggus ságastallo makkár sámemáidnasiid oahppit leat gullan dahje maid mytologiijafiguvrraid sii dihtet. Bargobájis nuorat besset govvet dáid sámemáidnasiid figuvrraid tekstiilabargguin. Inspirašuvdnan čájehuvvojit Lise Tapio Pittja duojit, main lea sámi ipmilfiguvra govviduvvon sistti ala. Bargobáji materiálain leat dipma duoji materiálat, dego láđđi-, sisti- ja bummolliidnebihtát. Barggut sáhttet leat maiddái abstrákta dáidda. Barggus sáhttá bargat vuos jođánis hápmosa báhpára ala. 
Juohke bargu liibmejuvvo vuođu ala ja ná buot távvaliin šaddá oktasaš stuorra kollása-installašuvdna, mii biddjo Siiddas oidnosii, dego mii beare earáge dáiddaduodji. Dáiddaoppalašvuohta lea ovdan jagi 2025 loahpa rádjai. Bivdojuvvo, ahte 9 lk oahppit bidjet dárkilut oktavuođadieđuid bargguid duohkái, vai mii beassat sáddet bargguid sidjiide poastta fárus. Eará oahppiid barggut doaimmahuvvojit skuvllaide juohkin dihte oamasteaddjiide.   

Guktuid bargobájiid várás ráhkaduvvojit pedagogalaš gihppagat, main leat čálalaš rávvagat bargobáji birra. Dan lassin máŧolašvuođaid mielde sámi-suoma -sátnelisttát, mat gieđahallet bargobáji ja temá. 

Mánáid kulturguovddáš Mánnu 

SISTEBÁDDI
Sistebátti bárgideapmi, bárgiduvvon sistebáttis ráhkaduvvo čoavddagilkor, lávkka čikŋa ded.  

GOALLOSČUOLBMA DAHJE BOHCCOČUOLBMA
Árbevirolaš vuohki čanastit bohcco murrii, go álggahuvvo bohcco dápman. Čuolbma lea okta dehálaš oassi diehto-dáiddus, man lea buorre oahppat. Árgabeaivve matematihka ja problema čoavdin! 

LIHKADEAPMI
Dánsunbargobádji luonddus. 

Nuoraidráđđi 

BOAHTTEVUOHTA SÁMEEATNAMIS 

Nuoraidráđi válgabaji oktan ulbmilin lea Sámenuoraid eallindiliid ovddideapmi sámiid ruovttuguovllus, vai sámenuoraide livčče máŧolašvuohta báhcit ja máhcat sámeguvlui ja skáhppot áigáiboađu maiddái árbevirolaš ealáhusain.  Dávjá sámenuorat gártet fárret eret oahpuid ja bargguid geažil sámeguovllus.   

Nuoraidráđđi lea plánen iešguđetlágan doaibmabijuid sámenuoraid eallindiliid ovddideami várás ja dán bargobájis nuoraiguin ságastallo dán fáttás. 

Ulbmiljoavku: badjeskuvla ja logahat