Sámedikki válgalávdegoddi ohcá áššemeannudeaddjičálli

Áššemeannudeaddjičálli bargun lea Sámedikki válgalávdegotti vuolde doaibmat áššiid válmmaštallin ja áššemeannudeaddjin, fuolahit jagi 2027 sámediggeválggaid válmmaštallama ja ollašuhttima doaimmain ja eará barggut, maid válgalávdegotti čálli sierra mearrida.

Bálvalangaskavuođa dieđut

Mearreáigásaš virgi álgá soahpamuša mielde ođđajagi-guovvamánus ja joatkašuvvá gitta 31.12.2026 rádjai. Vejolaš joatkašuvvamis sohppojuvvo sierra. Virgegaskavuođa deavdimis čuovvut njealji mánotbaji geahččalanáiggi.

Válgalávdegotti doaibmabáiki lea sámekulturguovddáš Sajosis, Anáris. Bargu eaktuda Sajosis bargama.

Ohccis vurdojuvvo

Seađusvuđot gelbbolašvuođagáibádussan lea skuvlejupmi, man doaibma eaktuda, ja sámegiela máhttu (ásahus 1727/95). Hárjánupmi válgalávdegotti barggus gehččojuvvo ánsun.

Virggi ceavzilis dikšuma eaktun leat heivvolaš allaskuvladutkkus, hálddahusbargguid buorre dovdámuš, válmmašvuohta iehčanas bargui, buorit organiseren- ja streassa gierdannávccat, ja čielga čálalaš gulahallandáidu suomagillii.

Bálká

Bálká mearrašuvvá Sámedikki bálkávuogádaga gáibádusdási IV ja II luohká mielde (vuođđobálká 2998,82 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus, ja ahkelasit bargohárjánumi mielde.

Ohcan

Ohcamušskovi, friijahápmásaš eaktodáhtolaš ohcanreivve ja vejolaš ánsologahallama ja eará čuvvosiid galgá doaimmahit Sámedikki čállingoddái maŋimustá 11.1.2026 dán elektrovnnalaš ohcamušskovi bokte (rahpasa ođđa lássii): Ohcamušskovvi

Lassedieđuid barggus addiba válgalávdegotti čálli Maria Valkeapää tel. 040 530 9513, válgalávdegotti áššemeannudeaddjičálli Sinikka Mäkinen, tel. 044 705 7160.

Sámedikki doibmii sáhttá oahpásmuvvat neahttačujuhusas www.samediggi.fi

Anáris 18.12.2025
Sámediggi