Vállje sámegiela! 8 čavčča hárjehusgirji lea almmustuvvan
Sámedikki skuvlen- ja oahppamateriáladoaimmahat lea almmuhan ođđa oahppomateriála, Vállje sámegiela! 8 čakča – hárjehusgirjji. Oahppomateriálii gullá Vállje sámegiela! 8. lk – Oahppogirji.
Oahppamateriála lea 8. luohká B2-giela čakčalohkanbaji hárjehusgirji ja ođđa girjeráiddu vuosttas hárjehusgirji. Girjji lea bargan Risten Mustonen ja govaid lea sárgon Miriam Kaartinen. Ráidu vuođđuduvvá sámegiela lektor Helmi Länsmana álgoálgosaš ideai.
Hárjehusgirji sisttisdoallá máŋggabealat hárjehusaid. Čavčča áigge oahppi hárjehallá earret eará jietnadeami vuođđodáidduid, frásaid, loguid, vuođđogiellaoahpa ja -sátneráju, vástidit gažaldagaide, čállit oanehis čállosiid ja muitalit iežas ja árgabeaivvis birra.
Girjjiid sáhttá diŋgot Sámediggi neahttagávppis: Vállje sámegiela 8 čakča hárjehusgirji.
Lassedieđut:
Marita Aikio
Oahppomateriálaplánejeaddji
marita.aikio@samediggi.fi
tel. 040 662 90 18
