Almmuheapmi Sámenuoraid dáiddadáhpáhussii álgá
Almmuheapmi Sámenuoraid dáiddadáhpáhussii 19.5.2026 lea rabas 17.3.-13.4.2026. Dáhpáhussii almmuheapmi dáhpáhuvvá Webropol-prográmma bokte.
Kuva: Saamelaiskäräjät / Tuuli Paadar.
Sámenuoraid dáiddadáhpáhus dollojuvvo maŋŋebárgga 19.5.2025 dii. 10 rájes Gáregasnjárgga skuvllas. Dáiddadáhpáhus bistá dán jagi ovtta beaivvi.
Dáhpáhussii sáhttet searvat 6-20-jahkásaš mánát ja nuorat, geat leat vuođđoskuvlla ja nuppi dási sámeoahpahusas. Ahkeluohkát eai leat. Dáiddadáhpáhusa giellan leat nuortalaš-, anáraš- ja davvisámegiella. Go ovdanbuktimiin leat geavahusas dušše mikrofovnnat, de sierra sound check ii leat. Joavku dahje oahppi sáhttet searvat máŋgga dáiddašládjii.
Sámediggi ordne sáhtuid ja boradeami beaivvi áigge. Sáhtut gusket ovdasajis sámiid ruovttuguovllu skuvllaid sámeluohkálaččaid ja sámegielaid stuđeanttaid. Guhkes mátkki duohken boahtti olbmuide ordnejuvvo idjadeapmi, dárbu árvvoštallo skuvllaid mielde. Dáiddadáhpáhussii váldit eanemustá 300 olbmo, muhto dat sáddejuvvo njuolggosáttan, dalle buohkat geat háliidit, sáhttet čuovvut dan iežaset skuvllas.
Sámenuoraid dáiddadáhpáhusa temát
Muitaleapmi (guhkkodat 3 min)
Muitalus lea árbevirolaš dahje gullá báikái, dáhpáhuvvan muhtumin dološ áigge dahje mearkkašahtti du guovllus dahje sápmelaš muitalanárbevierus. Muitaleamis lea dehálaš vuhtiiváldit guldaleaddjiid. Jietna, deattuheapmi, bottut, ja muitalusa sisdoallu muitaluvvo sámegillii.
Muitalus ovdanbuktojuvvo video hámis ja dat govvejuvvo telefovnnain dahje tableahtain. Video sáhttá leat ceaggut dahje láskkodásis. Video fiilahápmi galgá leat .MP4 dahje .MOV. Video sáddejuvvo ovddalgihtii maŋimustá 30.4.2026 čujuhussii tarja.porsanger@samediggi.fi.
Jietnamáilbmi (guhkkodat 3 min)
Jietnamáilbmi ráhkaduvvo iešguđetlágan jienaid bokte. Ritmma, olbmojiena, elektronalaš, luonddu jienaid ja juobe čuojanasaid geavaheapmi lea vejolaš. Iešguđetlágan jienaid heiveheapmi oktii ráhkadit jietnamáilmmi, mii lea sierra muitalus dahje sáhttá leat oassi govahallon musihkkaovdanbuktimis. Jietnamáilbmi ovdanbuktojuvvo lávddi alde dáiddadáhpáhusas, oassi jietnamáilmmis sáhttá leat dahkkon ovddalgihtii (omd. muitosákkis).
Árbevirolaš livđe, leudd, luohti (5-10 min)
Árbevirolaš sámi vokálamusihkkaovdanbuktimii sáhttá gullat okta dahje máŋga luođi, goittotge addojuvvon áiggi siste. Ovdanbuktin joavkun dahje iehčanas ovdanbuktimin. Ovdanbuktimis ii leat čuojaldahttin, muhto rumbbu dahje smávva ritmačuojanasa sáhttá geavahit.
Tyeji, tuejj, duodji
Duojis leat guokte kategoriija, oassálasti oassálastá dušše nubbái dain:
- Árbevirolaš duodji, man stivrejit materiálat, hápmi, ivnnit, geavahanulbmil ja dat ahte duojis oaidná ahte dat lea ieš duddjojuvvon.
- Duoji ođđa eallin, mii sáhttá leat ođasmahtton, ođđa innovašuvdna, áigeguovdil, divvojuvvon dahje beali váldi.
Duojis sáddejuvvo govva ovddalgihtii maŋimustá 30.4.2026 čujuhussii tarja.porsanger@samediggi.fi. Duojit buktojuvvojit dáiddadáhpáhussii, doppe dat biddjojit oidnosii. Duodjái galgá bidjat duddjojeaddji dieđuid (namma, ahki ja skuvla).
Almmuheapmi
Almmuheapmi lea rabas 17.3.-13.4.2026 Webropol-prográmmas.
Liŋka almmuheapmái: https://link.webropol.com/s/taidetapahtuma2026
Buvttadanjoavku
Minna Lehtola
044 902 9295
minna.lehtola@samediggi.fi
Petra Biret Magga-Vars
040 732 5503
petra.magga@samediggi.fi
Tarja Porsanger
050 569 6065
tarja.porsanger@samediggi.fi
