Jearahallan sámeálbmogii: Sámiid hástalusat rájáid rasttildeaddji sosiáladorvvus
Sámediggi ja Kela leat čatnan ođastuvvon ovttasbargosoahpamuša jagis 2021, man ánssus ovddiduvvo sámiide guoski sosiáladorvu ja sámiid gielalaš vuoigatvuođat sámi giellalága mielde (15.12.2003/1086). Sámediggi ja Kela ráđđádallet ovttasbarggu birra jahkásaččat.
Govva: Johanna Alatorvinen
Jagi 2025 ovttasbargoráđđádallamiin miessemánus mearriduvvui vuođđudit bargojoavku, man bargun meroštallojuvvui čielggadit sámeálbmoga hástalusat rádjeovttasbargogažaldagain ja govvidit hástalusaid maiddái ovdamearkkaiguin. Dainna jearahallamiin buvttaduvvo diehtu bargojovkui. Vástádusaid vuođul sáhttá maiddái smiehttat vejolaš áššiid, maid ovddidit. Dáinna jearahallamiin leat beroštuvvan erenomážit čuovvovaš Kela mieđihan ovdduin riikka rájáid rasttildeaddji diliin; vánhemiidbeaiveruđat, mánáidruhta, bargguhisvuođadorvu, man Kela máksá, buohcanbeaiveruhta, veajuiduhttin ja maid buohccedikšun rájáid rasttildeaddji diliin.
Jearahallamii sáhttá vástidit áigodaga 5.2.2026- 23.2.2026 áigge suomagillii ja buot golmma sámegillii.
Liŋka jearahallamii gávdno dáppe: https://link.webropolsurveys.com/S/AFECADEDB2C974FF
Lassedieđuid addet
Sámediggi:
Riitta Lehtola-Kosonen, riitta.lehtola-kosonen(a)samediggi.fi, tel. +358 44 777 4820
Marko Marjomaa, marko.marjomaa(a)samediggi.fi, tel. +358 50 438 2484
KELA:
Kela Riikkaidgaskasaš áššiid máhttinguovddáš international.affairs(at)kela.fi
