Sámediggi ohcá ealáhusčálli

Sámedikki ealáhusčálli barggut leat logahallojuvvon Sámedikki bargoortnega čuoggás 26 c § (50 §). Ealáhusčálli  bargun lea ee. válmmaštallat sámiid ealáhusaide ja daid ovddideapmái gullevaš áššiid, nu ahte vuhtiiváldá sámiid árbedieđu, válmmaštallat iežas doaibmasuorggi oasil sámeguovllu eanangeavaheami guoskevaš ja váikkuhusaid dáfus dohko olli áššiid ja maiddái doaibmat eáláhus- ja vuoigatvuohtalávdegotti áššemeannudeaddjin.

Bálvalangaskavuođa dieđut

Fásta doaibma álgá soahpamuša mielde nu jođánit go vejolaš.

Virggi deavdimis čuvvojuvvo guđa mánotbaji geahččalanáigi.

Ealáhusčálli bargu gullá Sámedikki almmolaš doaimmahahkii. Sámedikki doaibmabáiki lea Sámekulturguovddáš Sajosis, Anáris. Barggu sáhttá bargat oassái gáiddusin.

Ohccis vurdojuvvo

Seađusvuđot gelbbolašvuođagáibádussan lea skuvlejupmi, man virgi eaktuda, ja dasa lassin gáibádussan lea sámegiela máhttu (ásahus 1727/95).  Barggu ceavzilis dikšuma eaktun lea viiddes sámekultuvrra ja árbedieđu dovdamuš, buorre sámeealáhusaid ja sámeguovllu dovdamuš, hárjánupmi hálddahuslaš bargguin ja buorit ovttasbargo- ja ráđđádallandáiddut. Mii vuordit njuovžilis čállindáiddu, válmmašvuođa iehčanas bargamii, buriid organiseren ja streassa gierdannávccaid. Barggu ceavzilis dikšuma veahkeha heivvolaš allaskuvladutkkus.

Bálká

Bálká mearrašuvvá Sámedikki bálkávuogádaga gáibádusdási IV/II mielde (vuođđobálká 2998,97 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus, ja ahkelasit bargohárjánumi mielde.

Ohcan

Ohcamušskovi, ja friijahápmásaš eaktodáhtolaš ohcanreivve ja vejolaš ánsologahallama ja eará čuvvosiid (čálalaš duođaštusat giellamáhtus ja dutkosiin) galgá doaimmahit Sámedikki čállingoddái maŋimustá 30.4.2026 dán elektrovnnalaš ohcamušskovi bokte (rahpasa ođđa lássii): Ohcamušskovvi

Lassedieđuid barggus addá hálddahushoavda Pia Ruotsala-Kangasniemi, tel. 010 833 106.

Sámedikki doibmii sáhttá oahpásmuvvat čujuhusas www.samediggi.fi

Anáris 1.4.2026
Sámediggi