Sámediggi ohcá várreságajođiheaddji earenoamášveahkkebargi
Sámediggi almmuha ohcanláhkai II várreságadoalli earenoamášveahkkebargi mearreáigásaš barggu.
Ođastuvvon sámediggelága mielde Sámedikki várreságajođiheaddjit doibmet barggustis ollesáigásaččat. Ságajođiheaddjijovkui bálkáhuvvo goalmmát earenoamášveahkkebargi, gii bargá lávga ovttas ovdal bargui nammaduvvon ságajođiheaddjiid earenoamášveahkkebargiiguin.
Várreságajođiheaddji earenoamášveahkkebargi barggut mearriduvvojit Sámedikki bargoortnega 12 § (14.4.2026 dievasčoahkkima nannen bargoortnet). Várreságadoalli earenoamášveahkkebargi váldobargun lea veahkehit várreságajođiheaddji ollašuhttit bargoortnegis sutnje mearriduvvon bargguid ja su ovddasvástádussii gullevaš bargguid, sihke doaibmat várreságajođiheaddji ráđđeaddin ja maiddái doarjjan ráđđádallamiin. Dasa lassin várreságajođiheaddji earenoamášveahkkebargi válmmaštallá várreságajođiheaddji diehtojuohkinlinnjemiid, dieđáhusaid ja sosiála media beaivádemiid ja fuolaha várreságajođiheaddji áigedávvaliin, čoahkkin- ja mátkkoštanordnemiin.
Dieđut bálvalangaskavuođas
Sámedikki bargoortnega mielde várreságajođiheaddji earenoamášveahkkebargi nammaduvvo bargui várreságajođiheaddji doaibmabadjái. II ságajođiheaddji earenoamášveahkkebargi bargu álggášii soahpamuša mielde nu jođánit go vejolaš ja bistá 30.11.2027 rádjái. Bargu boahtá leat Sámedikki almmolaš doaimmahaga vuollásaš.
Barggu deavdimis čuvvojuvvo njealji mánotbaji geahččalanáigi.
Sámedikki doaibmabáiki lea Sámekulturguovddáš Sajosis Anáris, muhto barggu lea vejolaš dahkat gáiddusin.
Ohccis vuordit
Gelbbolašvuođagáibádussan lea heivvolaš allaskuvladutkkus. Lassin gáibiduvvo sámegiela máhttu (bargoortnet 71.2 §). Barggu ceavzilis dikšun eaktuda buori sámekultuvrra, sámepolitihka ja hálddahuslaš bargguid dovdama sihke erenomáš buori čálalaš ovdanbuktindáiddu. Dasa lassin deattuhit buriid gulahallan-, organiseren-, ja ovttasbargonávccaid, gierdannávcca, njuovžilvuođa sihke návccaid bargat iešheanalaččat gáibideaddji ja ain gaskkohagaid hohpolaš diliin.
Bálká
Bálká mearrašuvvá Sámedikki bálkávuogádaga gáibádusdási IV/II mielde (vuođđobálká 2998,97,19 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus ja vásáhuslasit, mat mearrašuvvet bargohárjánumi mielde.
Ohcan
Ohcanskovvi ja eaktodáhtolaš friijahápmásaš ohcanreivve ja vejolaš ánsologahallama ja eará čuvvosiid galgá máhcahit Sámedikki čállingoddái 30.4.2026 rádjai dán elektrovnnalaš ohcamušskovi bokte (rahpasa ođđa ruvttui):
Lassedieđuid doaimmas addá hálddahushoavda Pia Ruotsala-Kangasniemi, pia.ruotsala@samediggi.fi, tel. 040 726 2688
Sámedikki doaimmaide sáhttá oahpásmuvvat neahttačujuhusas www.samediggi.fi
Anáris 15.4.2026
Sámediggi
