Sámediggi ávvuda ođastuvvon sámediggelága sámi álbmotbeaivve Anáris

Sámediggi bovde buohkaid, geat leat beroštuvvan, oassálastit dilálašvuhtii báikki alde dahje gáiddusin. Dilálašvuhtii oassálastin báikki alde eaktuda ovddalgihtii dieđiheami. Dieđihepmi lihkostuvvá dán liŋkka bokte ja dieđihanáigi nohká 23.1.2026. Dilálašvuhtii ordnejuvvo maiddái sáhttu Heahtás, Čeavetjávrris, Ohcejogas, Avvilis ja Vuohčus. Sáhtát dieđihit iežat sáhttui maiddái liŋkka bokte. Amma vuhtiiválddát, ahte báikkiid mearri lea rájálaš,de dieđihivččetgo iežat mielde nu jođánitgo vejolaš vai sihkkarasttát oassálastimat. 

– Ođđa válgabaji ávvudeapmi lea álo mearkkašahtti boddu, ja dán háve mii ávvudit maiddái historjjálaš oláhusmearkka. Ođđa sámediggeláhka lea guhkesáigge barggu boađus, mii nanne sámi iešráđđema ja boahttevaš buolvvaid vuoigatvuođaid, dadjá Sámedikki I várreságajođiheaddji Leo Aikio. 

Ávvobeaivvi áigge vuodjut ođastuvvon sámediggelága mearkkašupmái ja válgabaji mihttomeriide. Beaivvi áigge gullat sáhkavuoruid ja musihkkaovdanbuktimiid miehtá Sámeeatnama. Válgabaji ávvudeapmái báikki ala leat bovdejuvvon sámeservoša lahtut, sámeservodaga váikkuheaddjit, Suoma stáhta ja sierra ovttasbargooassebeliid ovddasteaddjit, ja maid Norgga ja Ruoŧa Sámedikkiid presideanttat.  

– Dán ávvudeami bokte mii háliidat čujuhit giitosiid buohkaide, geat leat jagiid áigge bargan ođđa sámediggelága ovdii. Seammás mii geahččat maiddái boahttevuhtii, dálá válgabadjái ja ovddasvástádussii, maid mii guoddit sápmelaččaid ovddasteaddjin, gávnnaha I várreságajođiheaddji Leo Aikio.  

Maŋŋelabbos seamma beaivve prográmmas lea Ulla Pirttijärvi ja Ulda -musihkkajoavkku konsearta Sámekulturguovddáš Sajosis. Dát konsearta lea buohkaide rabas ja nuvttá. 

Ávvudeami dárkilut prográmma almmustahtto Sámedikki neahttasiidduin čujuhusas www.samediggi.fi 

Ávvudeami beassá čuovvut njuolggossáttan čujuhusas www.sajos.fi/live

Lassedieđut dáhpáhusas ja dieđiheapmi: 

Saara-Maria Salonen
saara-maria.salonen@samediggi.fi
044 739 4007