Seminára (ovdakonfereansa): dálkkádatnuppástusa váikkuhus sápmelaččaid dearvvasvuhtii ja buresveadjimii: ehtalaš ja searvvušvuđot lahkonanvuogit dutkamušas
Mii lágidit ovttas Dearvvasvuođa ja buresveadjima lágádusain (THL) ja European Public Health Associationin Migrant and Ethnic Minority Health -ossodagain olles beaivvi guhkkosaš seminára (ovdakonfereanssa) dálkkádatnuppástusa váikkuhusain sápmelaččaid dearvvasvuhtii ja buresveadjimii ja maid ehtalaš ja searvvušvuđot lahkonanvugiin dutkamušas.
Govva: Ville Fofonoff
Seminára gullá European Public Health -konferensii, mii buktá skábmamánus Helssegii álbmotdearvvasvuođadiehtaga áššedovdiid ja dutkiid miehtá Eurohpa.
Prográmmas leat earret eará:
- Rahpansáhkavuorut: Sámedikki ságajođiheaddji sadjásaš Tuomas Aslak Juuso ja THL oaivehoavda Mika Salminen.
- Ovdanbuktimat ja ságastallamat dálkkádatnuppástusa váikkuhusain sámeservoša árgii ja mielladearvvašvuhtii, dekoloniserema birra dutkamušas ja ehtalaš dutkanrávvagiid heiveheami birra.
- Ságastallamat viidásut eamiálbmogiid oaidninčiegas ja das, maid ohppojuvvon áššiid sáhttá heivehit maiddái eará vehádatjoavkkuid dutkamuššii.
Sáhtát oassálastit dušše min seminárii, go mávssát 25 euro oassálastinmávssu. Máksui gullet beaiveborramuš ja gáfestallan.
Nanne alccet báikki almmuhemiin iežat jođánit!
Almmut iežat mielde čuovvovaš liŋkka bokte ja vállje almmuhanmuttus rivttes seminára, nappo Pre-conference: Impact of climate change on the Sámi health and wellbeing: ethical and community-driven approaches (SAMI): https://ephconference.eu/register-107
Jos leat juo almmuhan iežat konferensii, muhto háliidivččet maiddái oassálastit min ovdakonferensii, sádde e-boastta čujuhussii: registration(at)ephconference.eu
- Áigi: maŋŋebárga 11.11.2025 dii. 9.00–17.00
- Báiki: Finlandia-dállu (dárkilut báiki muitaluvvo iežaset almmuhan olbmuide)
- Dáhpáhus lea eaŋgalasgillii.
Dárkilut prográmma: https://ephconference.eu/2025-pre-conference-programme-738
