Sämitige vaaljah, moh uárnejuvvojeh uđđâsist
Alemus haldâttâhriehti (AHR) lii meridâm, ete sämitiggevaaljâid kalga orniđ uđđâsist. Sämitige vaaljah toimâttuvvojeh uđđâsist 3.6.–1.7.2024.
Vaaljâin jienâvuoigâdvuođâliih láá sämmiliih, kiäh láá merkkejum Sämitige valjâluvâttâlmân. Jienâvuoigâdvuođâliih sämmiliih láá meid valjâtoháliih já pyehtih asâttuđ iävtukkâssân vaaljâin.
Sämitigge lii Suomâ sämmilij alemus poolitlâš orgaan, mii oovdâst sämmilijd aalmuglijn já aalmugijkoskâsijn ohtâvuođâin. Sämitige 21 jesânid já nelji värijeessân väljejuvvojeh vaaljâin, moh olášuttojeh jyehi niäljád ive. Sämmilij päikkikuávlu jyehi kieldâst väljejuvvojeh ucemustáá kulmâ ovdâsteijee.
Valjâlävdikode tiäđáttâsah
Ohtâvuotâtiäđuh
Sämitige valjâlävdikodde olášut vaaljâid Sämitiggeest adelum laavâ 4 lovo já riehtiministeriö valjâmonâttâlmist adelum asâttâs miäldásávt.
Sämitige valjâlävdikodde
Sämikulttuurkuávdáš Sajos
Menesjärventie 2A
99870 AANAAR
Vaaljâin tieđettem
Valjâlävdikodde tieđeet vaaljâi joođoost almos kulluuttâssáin Helsingin Sanomat aavisist já sämmilij päikkikuávlu aavisijn sehe Sämitige nettisiijđoin.
