Sámedikki válggat, mat ordnejuvvojit ođđasit
Alimus hálddahusriekti (AHR) lea mearridan, ahte Sámedikki válggat ordnejuvvojit ođđasit. Sámedikki válggat leat dasto 3.6.-1.7.2024.
Válggain jietnavuoigadahtton leat sápmelaččat, geat leat merkejuvvon Sámedikki válgalogahallamii. Jietnavuoigadahtton sápmelaččat leat maiddái válgadohkálaččat ja sáhttet álgit válggain evttohassan.
Sámediggi lea Suoma sámiid alimus politihkalaš orgána, mii ovddasta sámiid álbmotlaš ja riikkaidgaskasaš oktavuođain. Sámedikki 21 lahtu ja njeallje várrelahtu válljejuvvojit válggain, mat lágiduvvojit juohke njealját jagi. Sámiid ruovttuguovllu juohke gielddas válljejuvvojit uhcimustá golbma ovddasteaddji.
Válgalávdegotti dieđáhusat
Oktavuođadieđut
Sámedikki válgalávdegoddi ollašuhttá válggaid Sámedikkis addojuvvon lága 4 logu ja vuoigatvuođaministeriija válgameannudeamis addojuvvon ásahusa mielde.
Sámedikki válgalávdegoddi
Sámekulturguovddáš Sajos
Menesjärventie 2A
99870 ANÁR
Válggain dieđiheapmi
Válgalávdegoddi dieđiha válggaid birra almmolaš gulahusain Helsingin Sanomat aviissas ja aviissain, mat almmustuvvet sámiid ruovttuguovllus, ja dan lassin Sámedikki neahttasiidduin.
